Pawan Kalyan’s ‘#OG’ : పవర్ స్టార్ పవన్ కళ్యాణ్ ప్రస్తుతం చేస్తున్న సినిమాలలో అభిమానులతో పాటు ఆడియన్స్ కూడా ఎంతో ఆత్రుతతో ఎదురు చూస్తున్న చిత్రం #OG.ప్రముఖ దర్శకుడు సుజిత్ దర్శకత్వం లో తెరకెక్కుతున్న ఈ చిత్రం ఇప్పటికే రెండు షెడ్యూల్స్ ని పూర్తి చేసుకొని మూడవ షెడ్యూల్ లోకి అడుగుపెట్టింది. మూడవ షెడ్యూల్ కి సంబంధించిన షూటింగ్ ప్రస్తుతం హైదరాబాద్ లో నాన్ స్టాప్ గా కొనసాగుతుంది. ఈ షెడ్యూల్ లో పవన్ కళ్యాణ్ కి సంబంధించిన షూటింగ్ పార్ట్ పూర్తి అయ్యింది.
ఇప్పుడు ఆయన జూన్ 14 వ తారీఖు నుండి జరగబోతున్న వారాహి టూర్ లో పాల్గొనేందుకు కావాల్సిన ఏర్పాట్లని పూర్తి చేస్తున్నాడు. ఇది ఇలా ఉండగా #OG మూడవ షెడ్యూల్ నుండి తమిళ పాపులర్ నటుడు అర్జున్ దాస్ పాల్గొన్నాడు. ఈ సందర్భంగా మేకర్స్ ఆయనకీ స్వగతం పలుకుతూ ఒక ట్వీట్ వేశారు, అది ఇప్పుడు సోషల్ మీడియా లో వైరల్ గా మారింది.
అర్జున్ దాస్ తమిళం లో ‘ఖైదీ’, ‘విక్రమ్’ మరియు ‘మాస్టర్’ వంటి సినిమాల్లో ఇప్పటి వరకు నటించాడు. ఇతని గొంతు కంచు కంఠం లాగ ఉంటుంది, తెలుగు లో ఇప్పటి వరకు ఈయన ‘ఆక్సిజన్’ మరియు ‘బుట్టబొమ్మ’ వంటి సినిమాల్లో నటించాడు. ఈ రెండు కమర్షియల్ గా పెద్దగా సక్సెస్ కాలేదు కానీ, అర్జున్ దాస్ పైన చెప్పిన తమిళ డబ్బింగ్ సినిమాల ద్వారా మన తెలుగు ఆడియన్స్ కి బాగా దగ్గరయ్యాడు.
ఇప్పుడు పవన్ కళ్యాణ్ అత్యంత ప్రతిష్టాత్మక యాక్షన్ చిత్రం లో ఒక భాగం అవ్వడం అనేది సినిమాకి చాలా ప్లస్ అయ్యిందనే చెప్పాలి. ఇక ఈ చిత్రం లో మెయిన్ విలన్ గా బాలీవుడ్ కి సంబంధించిన ఒక క్రేజీ స్టార్ హీరో నటించబోతున్నాడని టాక్. ఇంకా ఈ ప్రాజెక్ట్ కి సంబంధించి మరి కొన్ని వార్తలు అతి త్వరలోనే అధికారికంగా తెలియనున్నాయి. ఈ ఏడాది లోనే షూటింగ్ కార్యక్రమాలు పూర్తి చేసి డిసెంబర్ లో విడుదల చెయ్యడానికి సన్నాహాలు చేస్తున్నారు.
Welcome aboard, Arjun Das @iam_arjundas! #OG will become even more vibrant with your powerful tone and presence.#FireStormIsComing #TheyCallHimOG pic.twitter.com/wTV2elkAqi
— DVV Entertainment (@DVVMovies) June 10, 2023
