Vivo X300 Ultra camera features: భారతదేశంలో Vivo మొబైల్స్ కు విపరీతమైన ఆదరణ ఉంది. ఫొటోగ్రఫీ కావాలని కోరుకునేవారికి ఈ కంపెనీకి చెందిన మొబైల్స్ బాగా ఉపయోగపడుతాయి. అంతేకాకుండా వీటిల్లో డిస్ ప్లే కూడా యూత్ కు అనుగుణంగా ఉండడంతో చాలా మంది వీటిని కోరుకుంటున్నారు. వీరికి అనుగుణంగా వివో కంపెనీ కొత్తగా X300 సిరీస్లో భాగంగా X300 Ultra, X300 FE (Fan Edition) అనే రెండు పవర్ఫుల్ మోడళ్లను పరిచయం చేసింది. వీటిల్లో అల్ట్రా మోడల్లో ఉన్న కెమెరా ఫీచర్లు ప్రొఫెషనల్ ఫొటోగ్రఫీ వారిని కట్టిపడేస్తున్నాయి. ఇందులో కెమెరాతో పాటు ఎలాంటి ఫీచర్లు ఉన్నాయో తెలుసుకుందాం..
Vivo X300 Ultra:
వివో X300 అల్ట్రా ఈ సిరీస్లో అత్యంత ప్రీమియం ఫోన్ ఇది. ఇందులో ప్రధాన ఆకర్షణ డ్యూయల్ 200MP కెమెరా. ఇందులో 200MP మెయిన్ కెమెరాతో పాటు 200MP పెరిస్కోప్ టెలిఫోటో లెన్స్ను అమర్చారు. ఇది 3.7x ఆప్టికల్ జూమ్ ను అందిస్తుంది. అలాగే అద్భుతమైన క్లారిటీతో 100x వరకు డిజిటల్ జూమ్ చేయగలదు. వీటితో పాటు 50MP అల్ట్రా-వైడ్ లెన్స్ కూడా ఉంది. ఈ కెమెరాలన్నీ ZEISS ఆప్టిక్స్తో వస్తాయి. ఇవి 4K 120fps వీడియో రికార్డింగ్ను సపోర్ట్ చేస్తాయి.
ఈ మొబైల్ లో సరికొత్త Snapdragon 8 Elite Gen 5 చిప్సెట్ను ఉపయోగించారు. అలాగే ఇందులో 6.82 అంగుళాల 2K AMOLED డిస్ప్లే అమర్చారు. ఇది 144Hz రిఫ్రెష్ రేట్ తో పాటు 4500 నిట్స్ పీక్ బ్రైట్నెస్తో విజువల్స్ అద్భుతంగా ఉంటాయి. ఈ ఫోన్లో 6,600mAh భారీ బ్యాటరీ ఉంది. ఇది 100W వైర్డ్, 40W వైర్లెస్ ఛార్జింగ్ను సపోర్ట్ చేస్తుంది. దీని ధర సుమారు రూ. 1,59,999 (16GB+512GB) నుండి ప్రారంభమవుతుంది.
Vivo X300 FE:
తక్కువ బడ్జెట్లో ఫ్లాగ్షిప్ ఫీచర్లు కోరుకునే వారి కోసం Vivo X300 FE అందుబాటులోకి వచ్చింది. ఇది 6.31 అంగుళాల కాంపాక్ట్ LTPO AMOLED డిస్ప్లేతో వస్తుంది. ఇందులో Snapdragon 8 Gen 5 ప్రాసెసర్ను ఉపయోగించారు. కెమెరా విషయానికి వస్తే.. ఇందులో 50MP మెయిన్ కెమెరా, 50MP టెలిఫోటో, 8MP అల్ట్రా-వైడ్ లెన్స్ ఉన్నాయి. ఈ ఫోన్లో 6,500mAh బ్యాటరీ ఉంది. ఇది 90W వేగవంతమైన ఛార్జింగ్ను సపోర్ట్ చేస్తుంది. దీని ప్రారంభ ధర సుమారు రూ. 79,999 గా ఉంది. ఐఫోన్ లాంటి కాంపాక్ట్ డిజైన్ తో పాటు శక్తివంతమైన కెమెరా కావాలనుకునే వారికి ఇది మంచి ఆప్షన్.
ఈ రెండు ఫోన్లు కూడా Android 16 పై పనిచేస్తున్నాయి. అంతేకాకుండా వీటికి 5 సంవత్సరాల మేజర్ Operating System అప్డేట్స్ లభిస్తాయి. ఈమొబైల్స్ ప్రొఫెషనల్ ఫోటోగ్రఫీ వారికి బాగా ఉపయోగపడుతాయి. వీరు ప్రత్యేకంగా కెమెరా కొనుగోలు చేసే బుదులు వీటికి ఉన్న కెమెరాలను ఉపయోగించుకోవచ్చు.
