Top 10 Scooters February 2026 Sales: రోజువారి వినియోగదారులతోపాటు యువత కొత్త రకమైన ద్విచక్ర వాహనాలను కోరుకుంటున్నారు. ఒకప్పుడు స్కూటర్లు అందుబాటులో ఉండేవి. కానీ ఆ తర్వాత స్టైలిష్ గా ఉండే బైక్లు అందుబాటులోకి వచ్చాయి. అయితే ఇప్పుడు బైక్స్ ధరలు పెరగడంతో పాటు పెట్రోల్ ఎక్కువగా అవసరం పడుతుంది. ఇలాంటి సమయంలో ఎలక్ట్రిక్ స్కూటర్లు అందుబాటులోకి వచ్చాయి. ఇదే సమయంలో పెట్రోల్ కూడా వినియోగదారులకు కన్వీనెంట్గా ఉంటున్నాయి. దీంతో బైక్స్ కంటే స్కూటర్ల అమ్మకాలు పెరుగుతున్నట్లు తెలుస్తోంది. 2026 ఫిబ్రవరిలో స్కూటర్లను ఎక్కువగా ఆదరించినట్లు తెలుస్తోంది. మరి ఈ నెలలో ఏ స్కూటర్ ఎక్కువగా అమ్మకాలు జరుపుతుందో చూద్దాం..
Honda కంపెనీకి చెందిన Activa స్కూటర్ ఇప్పటికీ ఆదరణ పొందుతోంది. స్కూటర్ వేరియంట్ లోనే మొదటగా మార్కెట్లోకి వచ్చిన ఈ స్కూటర్ ఇప్పటికీ టాప్ వన్ లోనే ఉంటుంది. దీనిని ఫిబ్రవరిలో 2,54,449 మంది కొనుగోలు చేసినట్లు తెలుస్తోంది. దీంతో స్కూటర్ల అమ్మకాల్లో నెంబర్ వన్ స్థానాన్ని ఆక్రమించింది. హోండా తర్వాత TVS కంపెనీకి చెందిన Jupiter స్కూటర్ ఫిబ్రవరి నెలలో 1,27,089 యూనిట్ల అమ్మకాలు చేసుకుంది. దీంతో టీవీఎస్ కంపెనీ స్కూటర్ల అమ్మకాల్లో రెండో స్థానంలో నిలిచింది. మూడో స్థానంలో Suzuki కంపెనీ తన Access స్కూటర్ 70,137 యూనిట్ల సేల్స్ చేసింది. ఆ తర్వాత TVS కంపెనీకి చెందిన IQ UBE ఎలక్ట్రానిక్ స్కూటర్ 38,054 యూనిట్లతో నాలుగో స్థానంలో నిలిచింది. ఐదవ స్థానంలో TVS కంపెనీకి చెందిన NTORQ 31,955 యూనిట్ల అమ్మకాలు చేసింది.
ఫిబ్రవరి నెలలో బజాజ్ కంపెనీ సైతం టాప్ టెన్ జాబితాలో నిలిచింది. ఈ కంపెనీకి చెందిన Chetak28,004 యూనిట్ల సేల్స్ జరుపుకొని ఆరో స్థానంలో నిలిచింది. ఆ తర్వాత Hero కంపెనీకి చెందిన DESTNI 125 అనే స్కూటర్ 27,369 యూనిట్ల సేల్స్ చేసుకుంది. ఎనిమిదవ స్థానంలో Suzuki కంపెనీకి చెందిన BURGMAN అనే మోడల్ 23,366 స్కూటర్లను విక్రయించింది. Yamaha కంపెనీకి చెందిన RAY అనే స్కూటర్ 22,593 యూనిట్ల విక్రయాలతో 9వ స్థానంలో నిలిచింది. పదో స్థానంలో Ather అనే కంపెనీ కి చెందిన RIZTA స్కూటర్ 20,322 విక్రయాలు జరుపుకుంది.
మొత్తంగా హోండా యాక్టివా మరోసారి నెంబర్ వన్ స్థానంలో నిలిచింది. ఆ తర్వాత TVS కంపెనీకి చెందిన రెండు, Suzuki కంపెనీకి చెందిన మరో రెండు స్కూటర్లు టాప్ టెన్ లిస్టులో ఉన్నాయి. అయితే ఇందులో ఏతర్ కంపెనీ ఎలక్ట్రిక్ వేరియంట్ లో కూడా ఈ జాబితాలో నిలిచింది. అంటే మొత్తంగా ఎలక్ట్రిక్ వాహనాలకు ఎక్కువగా ఆదరణ పెరుగుతున్నట్లు తెలుస్తోంది.
