రిజర్వ్‌ బ్యాంక్‌ ఆఫ్‌ ఇండియా డిజిటల్ చెల్లింపులకు సంబంధించి కీలక నిర్ణయం తీసుకుంది. డిజిటల్ చెల్లింపులు మరింత సురక్షితంగా, సౌకర్యవంతంగా చేయాలనే లక్ష్యంతో ఆర్బీఐ గ్లోబల్ హ్యాకథాన్ ను నిర్వహించడానికి సిద్ధమవుతూ ఉండటం గమనార్హం. ఈ నెల 15వ తేదీ నుంచి హ్యాకథాన్ కు సంబంధించిన రిజిస్ట్రేషన్ కార్యక్రమం మొదలైంది. ఈ హ్యాకథాన్ కార్యక్రమంలో పాల్గొని విజేతగా నిలిచిన వాళ్లకు 40 లక్షల రూపాయల బహుమతి దక్కుతుంది.
ఈ హ్యాకథాన్ కార్యక్రమంలో రెండో బహుమతిని గెలుపొందిన విజేతకు 20 లక్షల రూపాయలు లభిస్తాయి. https://hackolosseum.apixplatform.com/hackathon/harbinger2021 వెబ్ సైట్ ద్వారా రిజిస్ట్రేషన్ చేసుకునే అవకాశం ఉంటుంది. డిసెంబర్ 15వ తేదీ రిజిస్టేషన్ చేసుకోవడానికి చివరితేదీగా ఉండనుంది. ఈ కార్యక్రమం ద్వారా ఇప్పటివరకు డిజిటల్ పేమెంట్స్ ను వినియోగించని వారికి సైతం పేమెంట్స్ విధానం మరింత చేరువ కావడానికి పరిష్కార మార్గాలను సూచించాలి.
అదే సమయంలో కస్టమర్ల డేటాకు రక్షణ పెంచడం, వినియోగదారుల అనుభవంను మెరుగుపరచడం, చెల్లింపులను సులభతరం చేయడం చేయవచ్చు. ఈ హ్యాకథాన్ ప్రోగ్రామ్ ద్వారా రీటైల్ చెల్లింపులకు సంబంధించి పరిష్కార మార్గాలను కూడా సూచించాల్సి ఉంటుంది. డిజిటల్ చెల్లింపులలో మోసాలకు సంబంధించిన పరిష్కార మార్గాలను కూడా సూచించి సమస్యను అధిగమించేలా చేయాలి.
ఎవరైతే ఈ హ్యాకథాన్ లో పాల్గొంటారో వాళ్లు నాలుగు అంశాలకు సంబంధించిన పరిష్కార మార్గాలను సూచించాల్సి ఉంటుంది. జ్యూరీ ఎదుట ఆ పరిష్కార మార్గాల గురించి ప్రదర్శించాలి. https://fintech.rbi.org.in వెబ్ సైట్ లింక్ ద్వారా ఈ కార్యక్రమానికి సంబంధించిన మరిన్ని వివరాలను తెలుసుకోవచ్చు.
Web Title: Rbi hackathon registration begins if so do you own rs 40 lakh
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
