OnePlus Nord 6: 2026 ఏప్రిల్ నెల సందర్భంగా కొత్త మొబైల్స్ అందుబాటులోకి రాబోతున్నాయి. ఇందులో భాగంగా OnePlus కంపెనీకి చెందిన ఓ కొత్త ఫోన్ వినియోగదారులకు మంగళవారం పరిచయం చేయబోతుంది. ఇందులో కెమెరా నాణ్యతతో పాటు బ్యాటరీ పవర్ కూడా అద్భుతంగా ఉన్నట్లు తెలుస్తోంది. అంతేకాకుండా రోజువారి వినియోగదారులకు ఈ ఫోన్ బెస్ట్ ఆప్షన్ అని అంటున్నారు. ఇంతకీ ఈ మొబైల్ లాంచ్ వివరాలు ఏంటో ఇప్పుడు తెలుసుకుందాం..
OnePlus కంపెనీ నుంచి మంగళవారం రాత్రి 7 గంటల సమయంలో Nord 6 అనే స్మార్ట్ ఫోన్ యూట్యూబ్ ద్వారా రిలీజ్ చేయనున్నట్లు కంపెనీ పేర్కొంది. దీని గురించి ఇప్పటికే సమాచారం అందించినప్పటికీ ఫీచర్స్, ధర విషయంలో క్లారిటీ ఇవ్వలేదు. అయితే దీని ఫీచర్ వివరాల్లోకి వెళ్తే ఈ మొబైల్ లో అంగుళాల OLED డిస్ప్లే ఉండనుంది. ఇది 165 Hz రిఫ్రెష్ రేట్ తో పనిచేస్తుంది. 4500 nits బ్రైట్నెస్ తో పనిచేసే ఈ మొబైల్ డిస్ప్లే 1.5 కె రిజల్యూషన్ తో ఉంటుంది. అలాగే ఇందులో Qualcomm స్నాప్ డ్రాగన్ 8s Gen 4 చిప్ సెట్ ను చూడొచ్చు. ఇది 12gb నుంచి 16 జిబి వరకు ర్యామ్ ను కూడా సపోర్ట్ చేస్తుంది. అలాగే 256 జీవీ నుంచి 512 జిబి స్టోరేజ్ వరకు వాడుకోవచ్చు. దీంతో రోజువారి వినియోగదారులతో పాటు ప్రొఫెషనల్ కోసం ఈ మొబైల్ ను ఉపయోగించుకోవచ్చు.
ఇందులో కెమెరా పనితీరు గురించి ప్రత్యేకంగా చెప్పుకోవాలి. ఈ మొబైల్ లో 50 మెగాపిక్ సెల్ సోనియా లైటియా ప్రైమరీ కెమెరా ఉండనుంది. అలాగే 8 ఎంపీ అల్ట్రా వైడ్ సెన్సార్ తో పనిచేస్తుంది. ఫ్రంట్ కెమెరాతో పాటు వీడియో కాలింగ్ కోసం 32 ఎంపీ కెమెరా పనిచేయనుంది. ఈ కెమెరా ప్రొఫెషనల్ ఫోటోగ్రఫీ వారితోపాటు సోషల్ మీడియా కంటెంట్ సృష్టించే వారికి బాగా ఉపయోగపడుతుంది. అలాగే ఈ మొబైల్ లో బ్యాటరీ పర్ఫామెన్స్ కూడా బాగానే ఉన్నట్లు తెలుస్తోంది. ఇందులో 9000 mAh బ్యాటరీ ఉండగా.. ఇది 100 W ఫాస్ట్ ఛార్జింగ్ తో సపోర్ట్ చేస్తుంది. ఒకసారి దీనిని చార్జింగ్ చేస్తే రెండున్నర రోజుల వరకు బ్యాటరీ నిల్వ ఉండే అవకాశం ఉంటుంది.
వన్ ప్లస్ నార్డ్ 6 మొబైల్ ధర రూ.35,000 ప్రారంభం నుంచి విక్రయించే అవకాశం ఉంది. అమెజాన్, వన్ ప్లస్ ఇండియా వెబ్సైట్ ద్వారా దీనిని కొనుగోలు చేసే అవకాశం ఉంటుంది. అయితే ఏప్రిల్ 9 నుంచి దీనిని కొనుగోలు చేయవచ్చు.
