Oben Rorr electric bike: పెట్రోల్ ధరలతో పాటు, పర్యావరణ కాలుష్యం తీవ్రం కావడంతో ఎలక్ట్రిక్ బైక్ లపై చాలామంది ఆసక్తి చూపుతున్నారు. మొదట్లో వీటిపై కాస్త ఆందోళనకర వాతావరణ ఉండగా.. ఆ తర్వాత చాలామందికి అవగాహన కలిగి EV లను కొనుగోలు చేస్తున్నారు. అయితే మార్కెట్లోకి ఎన్నో కంపెనీలు EV లను తీసుకువచ్చినా కూడా కొన్ని మాత్రమే ప్రత్యేకంగా నిలుస్తున్నాయి. ఇందులో ఉండే బ్యాటరీ వ్యవస్థతోపాటు సర్వీస్ కూడా మెరుగ్గా ఉండడంతో వీటిపై ఆసక్తి చెబుతున్నారు. అలాంటి వాటిలో Oben ఎలక్ట్రిక్ వెహికల్ కంపెనీ ఒకటి. దీని గురించి పూర్తి వివరాల్లోకి వెళ్తే..
OBEN కంపెనీ నుంచి ఇప్పటివరకు ఎన్నో రకాల బైక్ లు మార్కెట్లోకి వచ్చాయి. మిగతా వాటికంటే ఈ కంపెనీ విశేషం ఏంటంటే ప్రతి ఏడాది అభివృద్ధి చెందుతూనే ఉంది. కొన్ని నివేదికల ప్రకారం 375 శాతం వృద్ధిని సాధించుకున్నట్టు తెలుస్తోంది. అంతేకాకుండా భారతదేశం వ్యాప్తంగా తన షోరూమ్లను విస్తరించి కస్టమర్లకు అందుబాటులోకి బైక్ లను తీసుకురావాలని అనుకుంటుంది. తక్కువ మెయిన్టెనెన్స్ తో పాటు, మైలేజ్ స్థిరంగా ఉండడంతో చాలామంది వాహనదారులు దీనిపై నమ్మకం పెట్టుకుంటున్నారు. అంతేకాకుండా ఇందులో ఉండే బ్యాటరీ వ్యవస్థ కూడా ప్రత్యేకంగా ఉంటుంది. ఈ ఎలక్ట్రిక్ బైక్ లలో LLP బ్యాటరీస్ ఉండనున్నాయి. ఈ బ్యాటరీలను కంపెనీ సొంతంగా తయారు చేస్తుంది. అంతేకాకుండా వెహికిల్ కు సంబంధించిన చార్జర్లను కూడా కంపెనీ సొంతంగా తయారు చేయడం విశేషం.
Also Read: 7 సీటర్ కారు.. 45 కిలోమీటర్ల మైలేజ్.. ఇంతకుమించి ఏదైనా కారు ఉందా?
కర్ణాటక రాష్ట్రంలోని బెంగళూరులో 3.5 ఎకరాల స్థలంలో తయారీ కేంద్రాన్ని ఏర్పాటు చేసుకున్న OBEN .. వినియోగదారులకు అనుకూలంగా ఉండే వాహనాలను అందిస్తోంది. అంతేకాకుండా ఎలాంటి వాతావరణం లోనైనా కన్వీనెంట్ గా ఉండేలా తయారు చేస్తోంది. ఈ కంపెనీ నుంచి Rorr అనే బైక్ ధర రూ.1.49 లక్షలు గా ఉంది. దీనిని ఒక్కసారి చార్జింగ్ చేస్తే 155 కిలోమీటర్ల మైలేజ్ అందిస్తుంది. కేవలం మూడు సెకన్లలోనే 40 కిలోమీటర్ల వేగాన్ని అందుకుంటుంది. మరో బైక్ Rorr EZ సామాన్యులకు అందుబాటులో ఉండేలా రూపొందించింది. ఎందుకంటే ఈ బైక్ ధర రూ.99,999 తో విక్రయిస్తున్నారు. దీనిని ఒక్కసారి చార్జింగ్ చేస్తే 175 కిలోమీటర్ల మైలేజ్ అందిస్తుంది. అలాగే Rorr EZ Sigma అనే బైక్ ధర రూ.1.09 లక్షలు గా ఉంది. దీనిని ఒకసారి చార్జింగ్ చేస్తే 140 కిలోమీటర్ల మైలేజ్ అందిస్తుంది.
రోజువారి వినియోగదారులతోపాటు, ఉద్యోగులు, వ్యాపారులు తమకు అనుకూలంగా ఉండేందుకు ఈ బైక్స్ ఎంతో బెస్ట్ అని అంటున్నారు. తక్కువ ధరలో కొనుగోలు చేసి మైలేజ్ ఎక్కువగా ఉండటంతో చాలామందికి ప్రయోజనకరంగా ఉంటుందని అంటున్నారు.