Moto G37 Power 5G launch: ప్రముఖ మొబైల్ కంపెనీ Motorola నుంచి మరో కొత్త బడ్జెట్ 5G ఫోన్ మార్కెట్లోకి వచ్చింది. Moto G37 Power 5Gను మే 19న భారత మార్కెట్లో విడుదల చేసింది. ఇందులో భారీ బ్యాటరీ, మెరుగైన చిప్సెట్, నాణ్యమైన కెమెరాలు ఉన్నా కూడా మధ్యతరగతి వినియోగదారులను ఆకట్టుకునే విధంగా ధరను అందుబాటులో ఉంచింది.ఈ ఫోన్ గురించి పూర్తి వివరాల్లోకి వెళితె..
Moto G37 Power 5G బడ్జెట్ ఫోన్ అయినప్పటికీ దీని డిజైన్ ప్రీమియమ్గా కనిపిస్తుంది. ఈ ఫోన్ రెండు లేదా మూడు Pantone కలర్ ఆప్షన్లలో అందుబాటులో ఉంది. అలాగే పెద్ద డిస్ప్లే, సన్నని బేజెల్స్తో మోడ్రన్ లుక్ ఇస్తుంది. ఈ ఫోన్లో MediaTek Dimensity 6400 ప్రాసెసర్ ఉంది. ఇది 5G కనెక్టివిటీతో పాటు డైలీ యూజర్స్ తో పాటు సోషల్ మీడియా, స్ట్రీమింగ్, లైట్ గేమింగ్కు సరిపోయే పెర్ఫార్మెన్స్ ఇవ్వడానికి రూపొందించారు.
ఈ కొత్త ఫోన్ లో 50MP ప్రైమరీ కెమెరా ఉంది. ఫోటో క్వాలిటీ, డే-టు-డే షాట్స్, పోర్ట్రెయిట్లు, నైట్ యూజ్ కోసం ఈ కెమెరా సెటప్ను బడ్జెట్ రేంజ్లో మంచి ఆప్షన్గా చూస్తున్నారు. అలాగే 7000mAh భారీ బ్యాటరీ ఇచ్చారు, ఇది ఒకసారి ఛార్జ్ చేస్తే చాలా సేపు నడిచేలా డిజైన్ చేశారు. 30W ఫాస్ట్ వైర్డ్ ఛార్జింగ్ సపోర్ట్ కూడా ఉంది. కాబట్టి భారీ బ్యాటరీ అయినా ఛార్జింగ్ టైమ్ కొంతవరకు కంట్రోల్లో ఉంటుంది. Moto G37 Power 5G ధర రూ. 15,999 నుంచి ప్రారంభమవుతోంది, టాప్ వేరియంట్ రూ. 18,999 వరకు ఉంది. ఫస్ట్ సేల్ మే 25న Flipkartలో జరగనుంది. అలాగే కొన్ని ఆఫర్లతో అదనపు డిస్కౌంట్ కూడా ఉండే అవకాశం ఉంది.
ఇప్పటికే Motorola నుంచి ఎన్నో రకాల మోడల్స్ మార్కెట్లోకి వచ్చాయి. అయితే ఇప్పుడు మిడిల్ క్లాస్ పీపుల్స్ ను దృష్టిలో ఉంచుకొని ఈ కొత్త ఫోన్ ను రిలీజ్ చేసింది. దీంతో కొత్తగా మొబైల్ కొనాలని అనుకునేవారు.. ఇప్పటికే ఉన్న పాత మొబైల్ స్థానంలో కొత్తదానిని తీసుకోవాలని అనుకునేవారికి ఇది బెస్ట్ ఎంపిక కానుంది.
