Maruti Dzire Tour S : ఫస్ట్ టైం ట్యాక్సీ కోసం కేవలం రూ.6.79లక్షలకే మారుతి నయా మోడల్

Maruti Dzire Tour S :ఇండియాలో అత్యధిక కార్లను విక్రయించే కంపెనీ మారుతి సుజుకీ. ఈ కంపెనీ ప్రతేడాది లక్షల సంఖ్యలో కార్లను విక్రయిస్తుంటుంది. మారుతి సుజుకి ఇటీవల భారతదేశంలోని ఫ్లీట్ ఆపరేటర్ల కోసం 2025 టూర్ S సెడాన్‌ను విడుదల చేసింది. 2025 మారుతి టూర్ ఎస్ అనేది కొత్త తరం మారుతి సుజుకి డిజైర్ కమర్షియల్ వెర్షన్. దీని ధర పెట్రోల్ వెర్షన్ కు రూ.6.79 లక్షల నుంచి ప్రారంభమై సీఎన్జీ మోడల్ కు రూ.7.74 లక్షల (ఎక్స్-షోరూమ్) వరకు ఉంటుంది. కొత్త తరం డిజైర్‌ను ప్రైవేట్ కొనుగోలుదారులకు మాత్రమే విక్రయిస్తామని మారుతి ఇంతకుముందు చెప్పింది.. కానీ కంపెనీ తన వ్యూహాన్ని మార్చుకున్నట్లు కనిపిస్తుంది.

Also Reda : స్కార్పియో కొనుగోలుదారులకు భారీ షాక్ ఇచ్చిన మహీంద్రా

2025 మారుతి టూర్ ఎస్ కారు.. డిజైర్ కంటే టాక్సీకి ఉపయోగపడే విధంగా అనేక మార్పులను చేసింది. ఈ కారు ఆర్కిటిక్ వైట్, స్ప్లెండిడ్ సిల్వర్, బ్లూయిష్ బ్లాక్ అనే మూడు రంగుల్లో అందుబాటులో ఉంది. ప్రభుత్వ నిబంధనలను అనుసరిస్తూ దీని స్పీడ్ లిమిట్ గంటకు 80 కి.మీ. డిజైర్ ఎంట్రీ-లెవల్ LXi వేరియంట్ ఆధారంగా కొత్త టూర్ S అదే స్టైలింగ్‌తో ఉంటుంది. కానీ కొద్దిగా మార్చిన గ్రిల్, రీ డిజైన్ చేసిన హెడ్ ల్యాంప్ లతో వస్తుంది. ORVM లు, డోర్ హ్యాండిల్స్ లో డిజైన్ చేశారు. అయితే సబ్ కాంపాక్ట్ సెడాన్ అల్లాయ్ వీల్స్ కు బదులుగా 14-ఇంచుల స్టీల్ వీల్స్ తో వస్తుంది.

క్యాబిన్‌లో నాలుగు పవర్ విండోస్, టిల్ట్-అడ్జస్టబుల్ స్టీరింగ్ వీల్, మాన్యువల్ ఎయిర్ కండిషనింగ్, స్పీడ్-సెన్సింగ్ డోర్ లాక్‌లతో సెంట్రల్ లాకింగ్, అనలాగ్ ఇన్‌స్ట్రుమెంట్ కన్సోల్ వంటి ముఖ్యమైన అంశాలు మాత్రమే ఉన్నాయి. సీట్లకు లేత గోధుమరంగు రంగు అప్హోల్స్టరీ ఉంది. ఈ కారులో ఎలక్ట్రానిక్ స్టెబిలిటీ కంట్రోల్, కారులో ప్రయాణిస్తున్న వారందరి కోసం సీట్ బెల్ట్ రిమైండర్, హిల్ స్టార్ట్ అసిస్ట్, రియర్ పార్కింగ్ సెన్సార్లు, ISOFIX చైల్డ్ సీట్ యాంకరేజ్‌లు కూడా ఉన్నాయి.

2025 మారుతి టూర్ S కొత్త డిజైర్‌కు పవర్ ఇచ్చేందుకు అదే 1.2-లీటర్ Z-సిరీస్ పెట్రోల్ ఇంజిన్‌తో శక్తినిస్తుంది. ఈ ఇంజిన్ 80.4 bhp పవర్, 111.7 Nm పీక్ టార్క్ ఉత్పత్తి చేసేలా ట్యూన్ చేశారు. ఇది 5-స్పీడ్ మాన్యువల్ ట్రాన్స్‌మిషన్‌తో వస్తుంది. ఈ ఇంజిన్‌తో CNG వెర్షన్ 69 bhp, 101.8 Nm టార్క్ ఉత్పత్తి చేస్తుంది. మారుతి పెట్రోల్ పై లీటరుకు 26.06 కి.మీ., సి.ఎన్.జి పై కిలోకు 34.30 కి.మీ మైలేజ్ ఇస్తుందని కంపెనీ పేర్కొంది.

Also Read : కంపెనీ ప్రతిష్టాత్మకంగా తెచ్చిన మోడల్.. ఫిబ్రవరిలో కొన్నది కేవలం 12మందే