Realme P4 Lite: మిడిల్ క్లాస్ పీపుల్స్ కు అనుగుణంగా కొన్ని కంపెనీలు ప్రత్యేకంగా ఫోన్లను తీసుకువస్తుంటాయి. వీటి ద్వారా బడ్జెట్ లోపే ఉన్నా కూడా.. ఇందులో ఉండే ఫీచర్స్ ప్రీమియం ఫోన్లో భలే ఉంటాయి. ఇలాంటి కంపెనీలో Realme గురించి ప్రత్యేకంగా చెప్పుకోవచ్చు. కొత్తగా మొబైల్ కొనే వారితోపాటు ఇప్పటికే ఉన్నవారు సైతం తమ మొబైల్ ను మార్చుకోవాలని అనుకునేవారు Realme ఫోన్లకు ఎక్కువగా ప్రాధాన్యత ఇస్తారు. అయితే ఇటీవల ఈ కంపెనీ P4 లైట్ పేరిట కొత్త మోడల్ ను పరిచయం చేసింది. ఇప్పటికే P4, P4 X, P4 Pro వంటి మొబైల్స్ ను మార్కెట్ లోకి తీసుకువచ్చిన ఈ కంపెనీ లేటెస్ట్ గా పి4 లైట్ తో అలరిస్తోంది. ఇందులో ఉండే ఫీచర్స్ ఆకట్టుకునే విధంగా ఉండగా.. ధర మాత్రం రూ,15 వేల లోపే ఉండడంతో చాలామంది దీనిపై ఆసక్తి చెబుతున్నారు. ఇంతకీ ఇందులో ఉన్న స్పెషల్ ఏంటో ఇప్పుడు చూద్దాం..
Also Read: రాజశేఖర్ కొత్త బిజినెస్ ను ఓపెన్ చేయడానికి వెళ్తున్న చిరంజీవి… ఇంతకీ ఆ బిజినెస్ ఏంటంటే..?
Realme P4 Lite డిస్ప్లే లో భాగంగా 6.8 అంగుళాల HD+ LCD స్క్రీన్ ను అమర్చారు. ఈ డిస్ప్లే 144 Hz రిఫ్రెష్ రేట్ తో పనిచేస్తుంది. 9000 nits బ్రైట్నెస్ తో ఉండే ఈ డిస్ప్లే ఇలాంటి వాతావరణం లోనైనా అద్భుతమైన కాంతిని అందిస్తుంది. ఇందులో ఆండ్రాయిడ్ 16 ఆధారిత రియల్ మీ యుఐ 7.0 సాఫ్ట్వేర్ ఉండనుంది. అలాగే మీడియాటిక్ డైమెన్సిటీ 6300 5జి ప్రాసెసర్ ద్వారా పనిచేస్తుంది. రెండు ఏళ్ల పాటు ఓఎస్ అప్డేట్స్ ఇవ్వడంతోపాటు సెక్యూరిటీ అప్డేట్స్ కూడా అందిస్తుంది. మల్టీ టాస్కింగ్ కోసం యూస్ చేసేవారు ఈ మొబైల్ ను కొనుగోలు చేయవచ్చని కొందరు నిపుణులు చెబుతున్నారు.
నేటితరం మొబైల్ కొనుగోలు దారులు చాలామంది కెమెరా విషయంలో శ్రద్ధ పెడుతున్నారు. ఇలాంటి వారికి అనుగుణంగా రియల్ మీ కొత్త మొబైల్ లో నాణ్యమైన కెమెరాలు అమర్చారు. ఇందులో 13 MP మెయిన్ కెమెరా ఉండగా..5 MP సెల్ఫీ తో పాటు వీడియో కాలింగ్ కోసం కూడా పనిచేస్తుంది. అలాగే ఇందులో 7000 mAh బ్యాటరీ ని అమర్చారు. ఈ బ్యాటరీ 15 W ఫాస్టెస్ట్ చార్జింగ్ ను సపోర్ట్ చేస్తుంది. బిజీగా ఉండేవారు చార్జింగ్ విషయంలో ఇబ్బంది పడకుండా ఇది తొందరగా చార్జింగ్ అయ్యే అవకాశం ఉంటుంది. అలాగే డౌన్ టైం కూడా తక్కువగా ఉండడంతో రోజువారి వినియోగదారులకు సపోర్ట్ చేస్తుంది.
ఇన్ని ఫీచర్లు ఉన్న ఈ మొబైల్ ధర రూ.12,999 నుంచి ప్రారంభమవుతుంది. టాప్ ఎండ్ మొబైల్ ధర రూ.15,999 గా నిర్ణయించారు. మొత్తం మూడు రంగుల్లో అందుబాటులో ఉన్న ఈ మొబైల్ ను రియల్ మీ అధికారిక వెబ్సైట్ తో పాటు ఫ్లిప్కార్ట్ నుంచి కొనుగోలు చేయవచ్చు. మార్చి 25 నుంచి దీని విక్రయాలు ప్రారంభమయ్యే అవకాశం ఉందని తెలుస్తోంది.
