Chandrababu strong warning to Pithapuram Varma: ఒకపక్క సీఎం చంద్రబాబు నాయుడు(CM Chandrababu Naidu), డిప్యూటీ సీఎం పవన్ కళ్యాణ్(Deputy CM Pawan Kalyan) 15 ఏళ్ళ పాటు కూటమి అధికారం లో ఉండాలని పరస్పరం చెప్తూ ఉంటారు. ఏ ముహూర్తం లో వీళ్లిద్దరి బంధం ఏర్పడిందో తెలియదు కానీ, ఒకరి మీద ఒకరికి అపారమైన ప్రేమ , అభిమానం ఏర్పడింది. చంద్రబాబు నాయుడు తన జీవిత కాలంలో ఎవరికీ ఇవ్వనంత గౌరవాన్ని పవన్ కళ్యాణ్ కి ఇస్తున్నాడు. ఇక నారా లోకేష్ అయితే పవన్ కళ్యాణ్ ని తన సొంత అన్నయ్య లాగా భావిస్తున్నాడు. కూటమిలోని అగ్రశ్రేణి నాయకత్వం ఇంత బలమైన బంధం తో కొనసాగుతుంటే , మరో పక్క క్షేత్ర స్థాయిలో మాత్రం ఈమధ్య కాలం లో టీడీపీ , జనసేన పార్టీ కార్యకర్తలు ప్రతీ చిన్న విషయానికి కొట్టుకుంటున్నారు. వీళ్ళు వ్యవహరిస్తున్న తీరుపై అటు చంద్రబాబు ఇటు పవన్ కళ్యాణ్ ఇద్దరూ అసంతృప్తి గానే ఉన్నారు.
డిప్యూటీ సీఎం పవన్ కళ్యాణ్ ప్రాతినిధ్యం వహిస్తున్న పిఠాపురంలో రీసెంట్ గా ఫ్లెక్సీల విషయం లో టీడీపీ , జనసేన పార్టీ ముఖ్య నాయకులు ఏ రేంజ్ లో గొడవ పడ్డారో ప్రత్యేకించి చెప్పనవసరం లేదు. వాస్తవానికి గోరుతో పొయ్యేదాన్ని గొడ్డలి దాకా తీసుకొచ్చాడు , టీడీపీ పార్టీ ఉపాధ్యక్షుడు, పిఠాపురం మాజీ ఎమ్మెల్యే వర్మ. సీనియర్ నాయకుడిగా , పార్టీ కార్యకర్తలను సమన్వయంతో ఉండేలా చేయాల్సింది పోయి, ప్రతీ చిన్న విషయానికి గొడవపడి వర్మ తీరు ని సీఎం చంద్రబాబు ఇప్పటికే రెండు సార్లు తప్పుబట్టారు. నేడు కూడా ఆయన పరోక్షంగా పిఠాపురం లో జరిగిన ఈ సంఘటన పై మాట్లాడుతూ వర్మ కి స్ట్రాంగ్ వార్నింగ్ ఇచ్చారు. అందుకు సంబంధించిన వీడియో ఇప్పుడు సోషల్ మీడియా లో బాగా వైరల్ అయ్యింది. పూర్తి వివరాల్లోకి వెళ్తే తెలుగు పార్టీ నూతన వర్కింగ్ ప్రెసిడెంట్ గా నారా లోకేష్ ని నియమించిన సంగతి తెలిసిందే.
ఈ సందర్భంగా నూతన కార్యవర్గం తో నేడు ప్రమాణస్వీకారం కార్యక్రమాన్ని ఏర్పాటు చేశారు. ఈ సందర్భంగా సీఎం చంద్రబాబు నాయుడు నూతన కార్యవర్గానికి , పార్టీ నాయకులకు దిశానిర్దేశం చేస్తూ మాట్లాడాడు. ఆయన మాట్లాడుతూ ‘నేను , పవన్ కళ్యాణ్ గారు ఎప్పుడు కలిసినా ఎంతో ఆత్మీయంగా ఉంటాము. కూటమి ఐక్యత ని కాపాడేవిధంగా మా అడుగులు ఉంటాయి . మా ద్వారా క్షేత్ర స్థాయి లో మూడు పార్టీల కార్యకర్తలు , నాయకులూ ఎలా ఉండాలో సందేశం అందించాము. కానీ ఈమధ్య కాలం లో చూస్తున్నాను. కొన్ని చోట్ల గొడవలు జరుగుతున్నాయి. అధికారం లో ఉన్నాం కదా అని ఈగోలకు పోతే మీకే నష్టం. చిన్న గొడవలు కూడా జరగకూడదు , ముఖ్యంగా ఫ్లెక్సీల విషయంలో, ఫోటోల విషయం లో , కుర్చీల విషయం లో గొడవలు రాకూడదు , వస్తే ఉపేక్షించేది లేదు’ అంటూ ఈ సందర్భంగా ఆయన చెప్పుకొచ్చాడు.
