Peddi movie HD leak online: టాలీవుడ్ ఇండస్ట్రీ అసలే పీకల్లోతు కష్టాలు ఉన్నాయి. స్టార్ హీరోలు సంవత్సరానికి కనీసం మూడు సినిమాలు అయినా విడుదల చేయకుంటే , థియేటర్స్ ని మూసి వేసుకోవాల్సిన దయనీయమైన పరిస్థితి. ఈ ఏడాది అయితే అత్యంత దారుణం. సంక్రాంతికి విడుదలైన ‘మన శంకర వరప్రసాద్ గారు’ చిత్రం మినహా మిగిలిన సినిమాలన్నీ డిజాస్టర్ ఫ్లాప్స్ గా మిగిలాయి. పవన్ కళ్యాణ్ , ప్రభాస్ సినిమాలపై బోలెడన్ని ఆశలతో ఉండేవారు ట్రేడ్ విశ్లేషకులు. కానీ వాళ్ళిద్దరి సినిమాలు కూడా దెబ్బేశాయి. ‘పెద్ది’ చిత్రం విడుదలయ్యే వరకు రెండు తెలుగు రాష్ట్రాల్లో , అత్యధిక థియేటర్స్ ని మూసేసుకోవాల్సిన పరిస్థితి ఏర్పడింది. ఇలాంటి కష్టసమయంలో పిరాసీ మహమ్మారి మరోవైపు నిర్మాతలను వణుకుపుట్టిస్తోంది. ibomma రవి అరెస్ట్ అయ్యేలోపు , ఇక పైరసీ మాఫియా ని మొత్తం బ్రేక్ చేసేయొచ్చు అని అంతా అనుకున్నారు.
కానీ అలాంటివేమీ జరగలేదు, పైరసీలు జరుగుతూనే ఉన్నాయి , అది కూడా థియేటర్ ప్రింట్ కాదండోయ్, ఏకంగా HD ప్రింట్. ఏళ్ళ తరబడి కోట్ల రూపాయిల బడ్జెట్ ని ఖర్చు చేసి , ఎంతో కష్టపడి సినిమాలను నిర్మిస్తే , ఇలా విడుదలైన రోజే HD క్వాలిటీ తో దర్శనం ఇవ్వడం బాధాకరం. నిన్న గ్లోబల్ స్టార్ రామ్ చరణ్ హీరో గా నటించిన ‘పెద్ది ‘ చిత్రం భారీ అంచనాల నడుమ విడుదలై , అద్భుతమైన పాజిటివ్ టాక్ ని సొంతం చేసుకొని , రికార్డు స్థాయి ఓపెనింగ్స్ ని కైవసం చేసుకొని , ఇప్పుడు రెండవ రోజున కూడా రెండు తెలుగు రాష్ట్రాల్లో హౌస్ ఫుల్ కలెక్షన్స్ తో దుమ్ము లేపేస్తోంది. అలాంటి సినిమా ఇప్పుడు ఆన్లైన్ లోకి HD క్వాలిటీ తో అందుబాటులోకి వచ్చింది. ఇదే ఇప్పుడు నిర్మాతలను భయభ్రాంతులకు గురి చేస్తున్న విషయం.
అభిమానులు మేకర్స్ ని ట్యాగ్ చేసి సోషల్ మీడియా లో ఈ పైరసీ ప్రింట్ గురించి సమాచారం అందించారు. మేకర్స్ కంప్లైంట్స్ ని పరిగణలోకి తీసుకున్నారు. తర్వాత ఏమి చేయబోతున్నారో చూడాలి. ప్రస్తుతానికి అయితే ఈ సినిమా ఆన్లైన్ లోనే ఉంది , కొంతమంది ఈ చిత్రం లోని కొన్ని సన్నివేశాలను ముక్కలుగా కట్ చేసి యూట్యూబ్ , ఇన్ స్టాగ్రామ్ వంటి సోషల్ మీడియా మద్యలలో అప్లోడ్ చేస్తున్నారు. వీళ్ళ మీద కూడా చర్యలు తీసుకునే అవకాశాలు ఉన్నాయి. ఇలా HD ప్రింట్ ఆన్లైన్ లో లీక్ అవ్వడం వల్ల, పెద్ది సినిమా పై ఏమైనా ప్రభావం పడుతుందా అని సోషల్ మీడియా లో అభిమానులు లెక్కలేసుకుంటున్నారు, చూడాలి మరి ఏమి జరగబోతుంది అనేది.
