Peddi movie shooting completed: అభిమానులు , ప్రేక్షకులు ఎప్పుడెప్పుడా అని వెయ్యి కళ్ళతో ఎదురు చూస్తున్న ‘పెద్ది'(Peddi Movie) చిత్రం విడుదల తేదీని మేకర్స్ కాసేపటి క్రితమే అధికారికంగా ప్రకటించారు. ముందుగా జూన్ 25 న విడుదల చేద్దామని అనుకున్నారు , కానీ జూన్ 4 న విడుదల అవ్వాల్సిన ‘టాక్సిక్’ చిత్రం వాయిదా పడడంతో , ఈ చిత్రాన్ని జూన్ 4 న విడుదల చేయడానికి ఫిక్స్ అయ్యారు మేకర్స్. ఈ విషయం సోషల్ మీడియా లో లీకై రెండు రోజులైంది. కానీ మేకర్స్ నేడు ఒక ప్రెస్ మీట్ ని ఏర్పాటు చేసి విడుదల తేదీని అధికారికంగా ప్రకటించారు. దీంతో అభిమానులు ఇప్పుడు సంబరాలు చేసుకుంటున్నారు. జూన్ 4 బాక్స్ ఆఫీస్ వద్ద జాతర చేయడానికి సరైన సమయం. ఎందుకంటే జూన్ 11 న పిల్లలకు స్కూల్స్ రీ ఓపెన్ అవుతాయి.
చివరి వారం రోజుల సెలవు సమయం కాబట్టి, ఈ చిత్రానికి కాస్త పాజిటివ్ టాక్ వచ్చినా చాలు , బాక్స్ ఆఫీస్ వద్ద వసూళ్లు చాలా సాలిడ్ గా ఉంటాయని అంచనా వేస్తున్నారు. అయితే ఇప్పటికే రెండు సార్లు విడుదల తేదీని మార్చారు , ఇకనైనా సరైన సమయానికి వస్తుందా అనే అనుమానం అభిమానుల్లో ఉండడం సహజమే. కానీ ఇంతకు ముందు వాయిదా పడడానికి కారణం బోలెడంత షూటింగ్ తో పాటు , పోస్ట్ ప్రొడక్షన్ వర్క్ కూడా బ్యాలన్స్ ఉండడం వల్ల. కానీ నిన్నటితో ఈ సినిమాకు సంబంధించిన షూటింగ్ కార్యక్రమాలు మొత్తం పూర్తి అయ్యాయి. పోస్ట్ ప్రొడక్షన్ వర్క్ కూడా చివరి దశలో ఉంది. అందుకే ఇప్పుడు ధైర్యం గా విడుదల తేదీని లాక్ చేశారని అంటున్నారు విశ్లేషకులు. మరి అభిమానులను , ప్రేక్షకులను ఇంతకాలం ఊరిస్తూ వచ్చిన ఈ క్రేజ్ చిత్రం, వాళ్ళ అంచనాలను ఎంత మేరకు అందుకుంటుందో చూడాలి.
ఇకపోతే ఈ సినిమాకు సరైన ప్రొమోషన్స్ చేయడం అవసరం. ఎందుకంటే ఇది పాన్ ఇండియా లెవెల్ లో భారీ గా విడుదల అవ్వబోతున్న సినిమా కాబట్టి. సరిగ్గా ప్రమోట్ చేసి ఈ చిత్రాన్ని నార్త్ ఇండియా ఆడియన్స్ కి చేరువ చేస్తే , కచ్చితంగా బాక్స్ ఆఫీస్ వద్ద అద్భుతాలు నెలకొల్పుతుందని, ఓపెనింగ్స్ లో ఆల్ టైం రికార్డు ని క్రియేట్ చేసి , ఫుల్ రన్ లో 600 కోట్ల రూపాయలకు పైగా గ్రాస్ వసూళ్లను రాబట్టేంత సత్తా ఈ చిత్రానికి ఉందని అంటున్నారు. సినిమా విడుదల అవ్వడానికి ఇంకా నెల రోజుల సమయం ఉంది కాబట్టి , కచ్చితంగా ప్రొమోషన్స్ కూడా పాన్ ఇండియా లెవెల్ లో జరుగుతాయని ఆశిస్తున్నారు ఫ్యాన్స్. మరి ఆ రేంజ్ లో ప్రొమోషన్స్ మేకర్స్ చేస్తారో లేదో చూడాలి.
