Megastar Chiranjeevi : చిరంజీవి చికిత్స తీసుకున్న ఆ ‘క్యాన్సర్’ సమస్య ఏమిటి?
‘అయితే కొన్ని మీడియా సంస్థలు దీన్ని సరిగ్గా అర్థం చేసుకోకుండా, అవగాహనా రాహిత్యంతో ‘నేను క్యాన్సర్ బారిన పడ్డాను’ అని ‘చికిత్స వల్ల బతికాను’ అని స్క్రోలింగ్‌లు.. వెబ్‌ ఆర్టికల్స్‌ మొదలు పెట్టాయి.
- Written By: DRS
- Published On:
Megastar Chiranjeevi : తనకు కేన్సర్ అనీ, చికిత్స ద్వారా నయం చేయించుకున్నానని చిరంజీవి చెప్పినట్టుగా మెయిన్‌ స్ట్రీమ్‌ సైట్లు, యూట్యూబ్‌ చానెళ్లు రాసిపారేశాయి.. టీవీలు కూడా కవర్‌ చేశాయి.. నిజంగా చిరంజీవి అలాగే చెప్పి ఉన్నట్టయితే, ఈ కంటెంట్‌ రైటర్లు, ట్యూబర్లతోసహా అందరికీ అది పెద్ద వార్తే.. దాంతో అందరూ రాసిపారేశారు.. వాళ్లను తప్పుపట్టే పనిలేదు.. కేన్సర్ అనే పదం చిరంజీవి నోటి వెంట వినగానే.. ఆ పదం మీద, చిరంజీవి ఏం చెప్పాడనే విషయంపైన కొంత వర్క్‌ జరగాలి. నిజానికి.. అది మెయిన్‌ స్ట్రీమ్‌ జర్నలిజంలో గతంలో జరిగేది. ప్రస్తుతం మెయిన్‌ స్ట్రీమ్‌ జర్నలిస్టులతో సహా ఎవరికీ ఆ వాల్యూ యాడిషన్‌ మీద గానీ, వార్త నిర్ధారణ ప్రయాస గానీ లేకుండా పోయింది. అందుకే మెయిన్‌ స్ట్రీమ్‌ మీడియా సైట్లలో కూడా చిరంజీవికి కేన్సర్, తనే చెప్పాడు, చికిత్స ద్వారా నయం చేయించుకున్నాడు అని రాసిపారేశారు. ఇక్కడ చిరంజీవివైపు నుంచి చిన్న తప్పు దొర్లింది. తను చెప్పాలనుకున్నది సరిగ్గా కన్వే చేయలేకపోయాడు. మీడియా తన ప్రసంగం వింటూ ఉందనీ, ప్రస్తుత మీడియా వార్తలు రాసే తీరు ఎలా ఉందనేది మరిచిపోయి.. మూల్యం చెల్లించాడు.
చెప్పిందే రాశారుగా..
నో.. నో.. చిరంజీవి చెప్పిందే మేం రాశాం, చిరంజీవి వంటి సెలబ్రిటీకి కేన్సర్ వచ్చిందనీ, దానికి చికిత్స చేయించుకుని ఎప్పటిలాగే ఆరోగ్యవంతుడు కావడంకన్నా పెద్ద వార్త ఏముంటుంది..? అనేది ఈ కంటెంట్‌ రైటర్లు, యూట్యూబర్ల వాదన. అయితే చిరంజీవి ఫోన్‌కు తన క్షేమాన్ని ఆరా తీస్తూ భారీ ఎత్తున ఆరాలు, పరామర్శలు వచ్చి ఉంటాయి. ఇక చిరంజీవికి క్లారిటీ ఇవ్వకతప్పలేదు. ఆ వివరణకూ తోకలు ఈకలు తగిలించి ఇంకా ఏదేదో రాయలేదు ఇప్పుడు. అక్కడికి చిరంజీవి లక్కీ..
చిరంజీవి చెప్పిందేంటంటే..
ఇంతకీ చిరంజీవి ఇచ్చిన వివరణ ఏమిటీ అంటే.. ‘కొద్ది సేపటి క్రితం నేనొక క్యాన్సర్ సెంటర్‌ని ప్రారంభించిన సందర్భంగా క్యాన్సర్‌పై అవగాహన పెరగాల్సిన అవసరం గురించి మాట్లాడాను. రెగ్యులర్‌గా మెడికల్‌ టెస్టులు చేయించుకుంటే క్యాన్సర్ రాకుండా నివారించవచ్చు అని చెప్పాను. నేను అలర్ట్‌గా ఉండి కొలోన్‌ స్కోప్‌ టెస్ట్‌ చేయించుకున్నాను. అందులో నాట్‌ క్యాన్సర్ పాలిప్‌ని డిటెక్ట్‌ చేసి తీసేశారు అని చెప్పాను. అలా ముందుగా టెస్ట్‌ చేయించుకోకపోయివుంటే అది క్యాన్సర్ కింద మారేదేమో’ అని మాత్రమే అన్నారు. అందుకే అందరూ ముందు జాగ్రత్తలు తీసుకుని మెడికల్‌ టెస్టులు / స్క్రీనింగ్‌ చేయించుకోవాలి’ అని సూచించారు.
అర్థమయ్యేలా చెప్పలేదు.. అర్థమైంది రాసేశారు..
‘అయితే కొన్ని మీడియా సంస్థలు దీన్ని సరిగ్గా అర్థం చేసుకోకుండా, అవగాహనా రాహిత్యంతో ‘నేను క్యాన్సర్ బారిన పడ్డాను’ అని ‘చికిత్స వల్ల బతికాను’ అని స్క్రోలింగ్‌లు.. వెబ్‌ ఆర్టికల్స్‌ మొదలు పెట్టాయి. దీని వల్ల అనవసరమైన కన్ఫ్యూషన్‌ ఏర్పడింది. అనేకమంది వెల్‌ విషర్స్‌ నా ఆరోగ్యం గురించి మెసేజ్‌ లు పంపిస్తున్నారు. వారందరి కోసం ఈ క్లారిఫికేషన్‌. అలాగే అలాంటి జర్నలిస్టులకి ఓ విజ్ఞప్తి. విషయాన్ని అర్థం చేసుకోకుండా అవాకులు చవాకులు రాయకండి. దీనివల్ల అనేక మందిని భయభ్రాంతుల్ని చేసి బాధ పెట్టిన వారవుతారు’ అని క్లారిటీ ఇచ్చారు మెగాస్టార్‌.
గట్టిగానే చెప్పిన ‘చిరు’
ఈ ప్రకటనలో అవాకులు, చవాకులు అనే పదం వాడటం హార్ష్‌గా ఉంది. అనేకమందిని భయభ్రాంతుల్ని చేసి, బాధపెట్టడం కూడా ఈ వార్తల్లో ఏమీలేదు. ఓ పెద్ద మనిషికి ఏదైనా వ్యాధి వస్తే, చికిత్స ద్వారా నయమైతే అదే రాస్తే, అందులో భయభ్రాంతుల్ని చేయడం, బాధపెట్టడం ఏముంది..? అవాకులు చవాకులు ఏమున్నాయి..? సాధారణంగా ఆచితూచి మాట్లాడే అలవాటున్న ‘ఆగ్రహ చిరంజీవి’ ఈ ప్రకటనలో కొంత సంయమనం, బ్యాలెన్స్‌ కోల్పోయినట్టున్నాడు.
ఇంతకి వచ్చిన వ్యాధి ఏంటి?
తనకు అసలు కేన్సర్ అనేది రాలేదు, దానికి చికిత్స కూడా జరగలేదు.. సరే, ఇంతకీ చిరంజీవికి వచ్చిన వ్యాధి లేదా ఆరోగ్య సమస్య ఏమిటి..? అసలు ఏమిటీ పాలిప్స్‌..? కొలొరెక్టల్‌ పాలిప్‌ అనేది పెద్దప్రేగు లేదా పురీషనాళం యొక్క లైనింగ్‌ నుండి, అంటే గోడల బయటకు వచ్చే కణజాల పెరుగుదలం ఈ పాలిప్స్‌ నిరపాయమైనవి, అంటే అవి క్యాన్సర్ కాదు, అవి వ్యాపించవు కూడా.., కానీ కాలక్రమేణా కొన్ని రకాలు క్యాన్సర్‌గా అభివృద్ధి చెందుతాయి. ఈ రకాల్లో ఒకదాన్ని అడెనోమాటస్‌ పాలిప్స్‌ అంటారు. వీటిని ప్రీ–క్యాన్సర్ పాలిప్స్‌ అంటారు. కొలన్‌ స్కోప్‌ చేయించుకున్నాడు కాబట్టి ఆ పాలిప్స్‌ బయటపడ్డాయి. అవి ఎప్పుడైనా కేన్సర్‌గా మారే ప్రమాదం ఉంది కాబట్టి వెంటనే అవి తీసేయించుకున్నాడు. సో, ప్రస్తుతానికి తనలో ఆ అనారోగ్య సమస్య లేనట్టే.. తొలగిపోయినట్టే. భవిష్యత్తులో అవి ఇబ్బందిగా మారకుండా జాగ్రత్తపడ్డాడు. సో, ఇలాగే అందరూ ముందుజాగ్రత్తగా, అలర్ట్‌గా ఉండి పరీక్షలు చేయించుకుంటే బెటర్‌ అనేది చిరంజీవి చేసిన ప్రసంగసారం. అక్కడి వరకూ చిరంజీవి వైపు నుంచి బెటర్‌ సజెషన్‌. అయితే ఇవి అంత త్వరగా ఓ సగటు యూట్యూబర్‌కో, సైట్‌ కంటెంట్‌ రైటర్‌కో అలాగే అర్థమవుతాయని ఆశించలేం. ‘కేన్సర్ రాకుండా పాలిప్స్‌ తీసేయించుకున్నాను’’ అని చెప్పి ఉంటే బాగుండేదేమో..!
follow us
సంబంధిత వార్తలు
Tollywood Industry : ముగింపు లేని సినిమాలాంటివి వీళ్ల జీవితాలు…
Vishnupriya : పైట పక్కకు జరిపి మరీ అందాలు పంచిన విష్ణుప్రియ
Khadgam Heroine : ‘ఖడ్గం’ హీరోయిన్ ఇప్పుడెలా ఉందో తెలుసా?
Chiranjeevi: సైరా సినిమా వల్ల చిరంజీవి నేర్చుకున్నది ఇదే…
Akkineni’s Heroes : అక్కినేని మూడవ తరం హీరోలు సక్సెస్ అవ్వలేరా..?
Mahesh-Rajamouli Movie : మహేష్ బాబు సినిమా కన్నా ముందు మరో ప్రాజెక్ట్.. ప్లాన్ మార్చిన రాజమౌళి.. అఫీషియల్ ప్రకటన ఇచ్చిన దర్శకుడు …
