ఈ కాలంలో మన రోగ నిరోధక వ్యవస్థ దెబ్బతింటుంది. తద్వారా వ్యాధులు సోకుతాయి. పోషకాలతో కూడిన ఆహారాలు తీసుకోవడం ద్వారా రోగాలు రాకుండా చేసుకోవచ్చు.

శుభ్రత : వర్షాకాలంలో శుభ్రతకు పెద్దపీట వేయాలి. ఎటు చూసినా ఈగలే దర్శనమిస్తుంటాయి. దీంతో ఆహారాలు కలుషితం కాకుండా జాగ్రత్తలు తీసుకోవాలి. 

అందుకే మనం కాచి చల్లార్చిన నీటిని తాగడం ఉత్తమం. నీటిని ఫిల్టర్ చేసుకోవడం మంచిదే. కూరగాయలను కూడా బాగా కడగాలి. లేకపోతే ఇబ్బందులు వస్తాయి.

ఆహారం విషయంలో : వర్షాకాలంలో ఆహారం త్వరగా పాడవుతుంది. మిగిలిపోయిన ఆహారం తినకపోవడమే బెటర్. పండ్లు, కూరగాయలను కూడా బాగా కడిగిన తరువాతే తినాలి. 

సాధ్యమైనంత వరకు శుభ్రంగా ఉంటేనే తినాలి. అపరిశుభ్రంగా ఉన్న ఆహారాలు తింటే రోగాలు రావడం జరుగుతుంది. అందుకే జాగ్రత్తగా ఉండటమే మన ఆరోగ్యానికి రక్షణ.

దోమల ద్వారా : దోమల ద్వారా అనేక వ్యాధులు సంక్రమిస్తాయి. వీటి నుంచి రక్షించుకోవడానికి సరైన దుస్తులు ధరించాలి. క్రీములు రాసుకోవాలి. దోమతెరలు వాడాలి.