‘కృతి శెట్టి..’ తెలుగు వెండితెర పై తాజాగా నీరాజనాలు అందుకుంటున్న కొత్త భామ. నిజానికి ఈ కన్నడ భామ గొప్ప అందగత్త ఏమి కాదు. కాకపోతే మంచి నటీ అని ఒక్క సినిమాతోనే ఘనంగా నిరూపించుకోగలిగింది. ఈ భామ నటన చూసి స్టార్ హీరోలు సైతం ఎవరు ఈమె అని అడిగి తెలుసుకునేలా నటించింది. దాంతో తెలుగులో ప్రస్తుతం వరుస ఆఫర్స్ తో ఫుల్ బిజీ అయిపొయింది. ఆ మాటకొస్తే తొలి సినిమా విడుదల కాకుండానే ఫుల్ క్రేజ్ తెచ్చుకున్న ఈ బ్యూటీకి అవకాశాలు కూడా ఆ స్థాయిలోనే వచ్చాయి. ఇంతకీ ఈ బ్యూటీ గురించి ఎవ్వరికీ తెలియని సీక్రెట్స్ ను చూద్దాం.
కృతి శెట్టి హీరోయిన్ అవ్వడానికి కారణం ఆమె తల్లి అట. ఆమె తల్లికి సినిమాల్లో నటించాలనే ఆశ ఉండేదట. కానీ ఆమెకు ఆ ఆశ ఆశగానే మిగిలిపోయింది. అందుకే తనలో మిగిలిపోయిన ఆ సినిమా కోరికలను తన కూతురు ద్వారా నెరవేర్చుకోవాలని కృతి శెట్టికి చిన్నప్పటి నుండి డ్యాన్స్ అండ్ నటనలో శిక్షణ ఇప్పించిందట ఆమె తల్లి.
అలాగే కృతి శెట్టి పేరు పై చాలమందికి కన్‌ఫ్యూజన్ ఉంది. కారణం.. కృతి శెట్టి అని గూగుల్‌లో టైప్ చేస్తే.. వికీ పీడియాలో మాత్రం ఆమె పేరు ‘ఆద్వైథ’ అని చూపిస్తుంది. దాంతో ఈమె అసలు పేరు అద్వైత అని నెటిజన్లు పొరడుతున్నారు. అయితే ఆమె అసలు పేరు మాత్రం కృతిశెట్టినే. కాకపోతే గతంలో కొన్నాళ్ళు పాటు తన పేరును అద్వైతగా మార్చుకుందట. ఎందుకంటే కృతిశెట్టి పేరుతో మరో తమిళ్ హీరోయిన్ ఉంది.
దాంతో ఈ బ్యూటీ సినిమాల్లో తన పేరు అద్వైతగా మార్చుకుంది.. కానీ కొన్నాళ్ల తర్వాత.. న్యూమరాలజీ దృష్ట్యా.. అసలు పేరు కృతినే సినిమాల్లోనూ కంటిన్యూ చేస్తోంది. ఆలా ఆమె పేరు విషయంలో గూగుల్ కూడా పోరపడింది. ఇక కృతిశెట్టి సినిమాల్లోకి రాకముందు కొన్ని యాడ్స్ చేసింది. ఆ యాడ్స్ వల్లే ఆమెకు చాల సినిమా ఆఫర్లు వచ్చాయి.
అలాగే కృతిశెట్టి సినిమాల్లో అలాగే యాడ్స్ లోనే కాకుండా, ఒకటి రెండు షార్ట్ ఫిల్మ్స్ లో కూడా నటించిందట. ఫిల్మ్ ఫెస్టివల్స్ కోసం తీసిన ఆ షార్ట్ ఫిల్మ్స్ లో కృతిశెట్టి నటనకు కొన్ని అవార్డ్స్ కూడా వచ్చాయట. మొత్తానికి కృతిశెట్టి తెలుగు సినిమాకి కొత్త గానీ, నటనకు కొత్త కాదు అన్నమాట. ఏది ఏమైనా తెలుగు ఇండస్ట్రీలో కొన్ని నెలలుగా ఈ బ్యూటీ పేరు మార్మోగిపోతోంది.