Rajamouli On Oscar: సీరియల్ డైరెక్టర్ స్థాయి నుండి ఆస్కార్ అవార్డు వరకు రాజమౌళి ప్రయాణం అమోఘం..చిరస్మరణీయం

Rajamouli On Oscar: తెలుగు సినిమా ఇండస్ట్రీ కి మాత్రమే కాదు, ఇండియన్ ఫిలిం ఇండస్ట్రీ కి ముఖం గా మారిన దర్శక ధీరుడు రాజమౌళి గురించి ఎంత మాట్లాడుకున్న అది తక్కువే అవుతుంది.ఆయన ప్రతిభ ని మరియు ఆయన విజన్ ని కొలవడానికి ఈ ప్రపంచం లో ఏ అవార్డు కూడా పనికిరాదు.కానీ అలాంటి దిగ్గజాన్ని ఎదో ఒక విలువైన పురస్కారం తో గౌరవించుకోవాలి కాబట్టి ఇండియన్ ప్రభుత్వం ఆయనకీ పద్మశ్రీ అవార్డు ఇచ్చింది.ఇప్పుడు ఆయన దర్శకత్వం వహించిన సినిమాకి ఆస్కార్ అవార్డు వచ్చింది.

ఇది నిజంగా ఒక తెలుగోడు కలలో కూడా ఊహించని సంఘటన.కేవలం ఆస్కార్ అవార్డ్స్ తోనే సరిపెట్టలేదు ఈ సినిమా, ఎన్నో అంతర్జాతీయ అవార్డులను మూటగట్టుకొని తన జేబులో వేసుకుంది.ఇదంతా సాధ్యపడడానికి కారణం రాజమౌళి విజన్.అలాంటి మహానుభావుడికి ఏమిచ్చి ఈ ఇండియన్ ఫిలిం ఇండస్ట్రీ ఋణం తీర్చుకోగలదు?.ఒక సాధారణ సీరియల్ డైరెక్టర్ గా కెరీర్ ని ప్రారంభించిన ఒక మనిషి ఈ స్థాయికి చేరుకుంటాడు అని అప్పట్లో ఎవ్వరూ ఊహించలేదు.

ఎన్టీఆర్ , చిరంజీవి మరియు నాగార్జున వంటి వారు ఆరోజుల్లో పాన్ ఇండియన్ రేంజ్ లో మన తెలుగు సినిమా ఖ్యాతిని చాటితే, రాజమౌళి పాన్ వరల్డ్ స్థాయిలో మన తెలుగు సినిమా సత్తాని చాటడమే కాకుండా, ఇక నుండి మన టాలీవుడ్ చిత్రాలను హాలీవుడ్ లో కూడా విడుదల చేసుకునే రేంజ్ మార్కెట్ ని తెచ్చిపెట్టాడు.ఇలాంటి టాలెంట్ ఉన్న వ్యక్తిని చూస్తే హాలీవుడ్ నిర్మాతలు మాత్రం ఎందుకు ఊరుకుంటారు.

ఆయనకీ అడిగినంత పారితోషికం ఇచ్చి హాలీవుడ్ కి తీసుకొని పోడానికి విశ్వ ప్రయత్నాలు చేస్తారు.మన ఇండియన్ ఫిలిం ఇండస్ట్రీ కి ఆభరణం లాంటి రాజమౌళి అక్కడకి వెళ్లి స్థిరపడిపోకూడదు అని ఆ దేవుడికి మొక్కుకోవడం తప్ప మనం చేసేదేమి లేదు.రాబోయే రోజుల్లో ఈ దిగ్గజం ఇంకెన్ని అద్భుతాలను నెలకొల్పబోతున్నాడో చూడాలి.