Sachin Tendulkar Private Jet Video: ఇండియన్ క్రికెట్ గాడ్ఫాదర్గా సునీల్ గవాస్కర్ను పేర్కొన్నారు. ఆ తర్వాత అంతలా క్రికెట్ అభిమానులను సంపాదించుకున్న వ్యక్తి మాస్టర్ బ్లాస్టర్ సచిన్ టెండుల్కర్. 90వ దశకంలో ఓ ఊపు ఊపిన ఈ లిటిల్ మాస్టర్ భారత జట్టును ఒంటిచేత్తో గెలిపించిన సందర్భాలు కోకొల్లలు. అలాంటి మాస్టర్ రిటైర్ తర్వాత కూడా క్రికెట్పై తన ప్రేమ అభిమానం కోల్పోలేదు. సాధారణంగా రిటైర్మెట్ తర్వాత క్రికెటర్లు గోల్ఫ్, ఇతర క్రీడలపై దృష్టిపెడతరు. మాస్టర్ మాత్రం క్రికెట్ ఎక్కడైనా ఆడేందుకు రెడీ అంటున్నాడు. తాజాగా తన ప్రైవేట్ జెట్లో ప్రయాణిస్తూ కుటుంబ సభ్యులతో కలిసి క్రికెట్ ఆడారు. ఈ వీడియో ఇప్పుడు సోషల్ మీడియాలో వైరల్ అవుతోంది.
విమానం ఎగురుతున్నప్పుడు..
విమానం గాలిలో ఎగురుతున్నప్పుడు లోపల బ్యాట్, బాల్తో ఆట ఆడటం అసాధారణమైన అనుభవం. సచిన్ బ్యాటింగ్ చేస్తుండగా, ఆయన కోడలు బౌలింగ్ చేశారు. కూతురు సారా క్యాచ్ పట్టి తండ్రిని ఔట్ చేశారు. ఈ క్షణాలు కేవలం ఆట కాదు, కుటుంబంలోని స్నేహం, సరదా, ఒక్కటిగా ఉండడం యొక్క ప్రతీకగా మారాయి.
సచిన్ పెట్టిన క్యాప్షన్ వైరల్…
ఈ వీడియోను షేర్ చేస్తూ సచిన్ ‘‘ఆల్టిట్యూడ్ (ఎత్తు) ఏదైనా సరే, ఆటిట్యూడ్ (వైఖరి) మారకూడదు’’ అని క్యాప్షన్ పెట్టారు. ఈ ఒక్క వాక్యం లోతైన అర్థాన్ని కలిగి ఉంది. విమానం ఎంత ఎత్తులో ఉన్నా, విజయాలు ఎంత ఎత్తుకు చేరినా, మనిషి వైఖరి మాత్రం మారకూడదని ఆయన చెప్పాలనుకున్నారు. ఈ సాధారణమైన, కానీ శక్తివంతమైన సందేశం నెటిజన్లను బాగా ఆకట్టుకుంది.
సోషల్ మీడియాలో విశేష స్పందన..
సోషల్ మీడియాలో వీడియో వైరల్ అవుతోంది. చాలామంది ఈ క్షణాలను చూసి సచిన్ ఎప్పుడూ అలాగే ఉంటారు, కుటుంబంతో ఉండే సరదా ఇలాంటిదే, ఆటిట్యూడ్ అనే పదం ఎంత బాగా వాడారు అని కామెంట్లు చేస్తున్నారు. కొందరు ఈ వీడియోను చూసి తమ జీవితాల్లో కూడా కుటుంబంతో ఎక్కువ సమయం గడపాలని ప్రేరణ పొందుతున్నారు.
ఎదిగినా ఒదిగి ఉండాలని..
ఈ వీడియో సచిన్ వ్యక్తిత్వాన్ని, ఆయన విలువలను స్పష్టంగా చెబుతుంది. విజయాలు, గౌరవాలు, సంపదలు ఎంత ఎత్తుకు చేరినా, ఆయన ఎప్పుడూ సాధారణంగా, వినయంగా ఉండడం ఆయన ఆటిట్యూడ్కు నిదర్శనం. కుటుంబంతో కలిసి ఫ్లైట్లో కూడా ఆట ఆడడం ద్వారా ఆయన చెప్పిన సందేశం ఏమిటంటే జీవితంలో ఎంత ఎత్తుకు వెళ్లినా, మనం మనల్ని మనం మరచిపోకూడదు. క్రికెట్పై ఆయనకున్న ప్రేమ ఎప్పుడూ తగ్గలేదు. అది గ్రౌండ్లో ఉన్నా, ఆకాశంలో ఉన్నా మారదు. ఈ వీడియో ద్వారా యువతకు ఒక మంచి సందేశం వెళ్తోంది.
విజయం వచ్చినప్పుడు వినయం కోల్పోకూడదు, కుటుంబంతో సరదాగా ఉండడం జీవితంలోని అతి పెద్ద సంపద. సచిన్ ఇలాంటి చిన్న చిన్న క్షణాల ద్వారా కూడా ఎంతో పెద్ద సందేశాలు ఇస్తున్నారు. ఆల్టిట్యూడ్ ఎంత ఎత్తుగా ఉన్నాం ఆటిట్యూడ్ మాత్రం ఎప్పుడూ నేలకు అతుక్కుని ఉండాలి. ఇదే సచిన్ బోధించిన నిజమైన పాఠం.
Altitude jo bhi ho, attitude change nahi hona chahiye. pic.twitter.com/TPbsNUe2Op
— Sachin Tendulkar (@sachin_rt) June 12, 2026