Ravichandran Ashwin : టెస్ట్ క్రికెట్ లో టీమిండియా స్పిన్ బౌలర్ రవిచంద్రన్ అశ్విన్ ప్రపంచ రికార్డ్ సృష్టించాడు. టెస్ట్ మ్యాచ్లో అత్యధిక వికెట్లు తీసిన టీమిండియా రెండో బౌలర్ గా రికార్డుల్లోకి ఎక్కాడు. అశ్విన్ కేవలం 85 టెస్టుల్లోనే 435 వికెట్లు పడగొట్టి ఈ చరిత్ర సృష్టించాడు. 434 వికెట్లు తీసిన కపిల్ దేవ్ రికార్డును బ్రేక్ చేశాడు.
కాగా ఈ లిస్టులో అనిల్ కుంబ్లే టాప్ పొజిషన్ లో ఉన్నాడు. అనిల్ కుంబ్లే 132 టెస్టుల్లో ఏకంగా 619 వికెట్లు తీసి భారత్ తరుఫున అగ్రస్థానంలో ఉన్నాడు. ప్రస్తుతం రవిచంద్రన్ అశ్విన్ రెండో స్థానంలో ఉన్నాడు.
ఇక ప్రపంచవ్యాప్తంగా చూస్తే శ్రీలంకకు చెందిన ముత్తయ్య మురళీధరన్ 800 వికెట్లతో అగ్రస్థానంలో ఉన్నారు. ఆస్ట్రేలియా స్పిన్ దిగ్గజం షేన్ వార్న్ 708 వికెట్లతో రెండో స్థానంలో ఉన్నాడు.
కాగా ప్రస్తుతం టీమిండియా, శ్రీలంకల మధ్య మొదటి టెస్ట్ ఈ మ్యాచ్ లో అశ్విన్ 45 పరుగులు ఇచ్చి మూడు వికెట్లు పడగొట్టాడు. దీంతో ఈ అరుదైన రికార్డును అశ్విన్ సొంతం చేసుకున్నాడు.
భారత్ తరుపున రెండో బౌలర్ గా అవతరించిన అశ్విన్ పై టీమిండియా మాజీ క్రికెటర్లు, అభిమానులు ప్రశంసలు కురిపిస్తున్నారు.
R Ashwin moves to No. 2 on the list of India's leading Test wicket-takers 🙌 #INDvSL
— ESPNcricinfo (@ESPNcricinfo) March 6, 2022
