Samantha Ruthprabhu : సమంత.. ఏం మాయ చేసావే సినిమాతో తెలుగు తెరకు పరిచయమైన ఈ తమిళనాటి.. నిజంగానే తెలుగు ప్రేక్షకులను మాయ చేస్తూనే ఉంది. అప్పుడేప్పుడో 2010లో ఈ సినిమా ద్వారా తెలుగు తెరకు పరిచయమైన సమంత.. 14 సంవత్సరాలుగా ప్రేక్షకులను అలరిస్తూనే ఉన్నారు. ఎన్నో వైవిధ్య భరితమైన సినిమాలో నటించి తనకంటూ ఒక ప్రత్యేక ముద్రను వేసుకున్నారు. కేవలం కథానాయక పాత్రలోనే కాకుండా సూపర్ డీలక్స్ వంటి సినిమాలో ప్రతినాయక కోణం ఉన్న నటిగా నటించింది. ది ఫ్యామిలీ మెన్ వెబ్ సిరీస్ లోనూ సమంత అందాలు ఆరబోసే దృశ్యాల్లో నటించింది. ఈ సిరీస్ కి దర్శకత్వం వహించిన రాజ్ డీకే మరోసారి సమంతను అందాలు ఆరబోసే దృశ్యాల్లో చూపించనున్నారు. ప్రియాంక చోప్రా నటించిన సిటా డెల్ అనే వెబ్ సిరీస్ ను వారు రీమేక్ చేస్తున్నారు.. హాలీవుడ్ లో ప్రియాంక చోప్రా పోషించిన పాత్రను తెలుగులో సమంత పోషిస్తున్నది. హాలీవుడ్ మాదిరే తెలుగులోనూ తరహా సన్నివేశాలు తెరకెక్కించాలని తెలుస్తోంది. ఈ వెబ్ సిరీస్ త్వరలో అమెజాన్ ప్రైమ్ లో స్ట్రీమ్ కానుంది.
ఇక కొంతకాలంగా మయోసైటీస్ అనే వ్యాధి తో బాధపడుతున్న సమంత.. దాని నివారణ కోసం చికిత్స తీసుకుంటున్నది. ఆ వ్యాధితో బాధపడుతూనే శాకుంతలం, యశోద, ఖుషి వంటి సినిమాల్లో నటించింది.. మయోసైటిస్ వ్యాధితో బాధపడుతున్న ఆమె గత ఏడాది భూటాన్ వెళ్లారు. అక్కడ క్రయో థెరపీ లో చికిత్స తీసుకున్నారు. ఇందులో భాగంగా “హాట్ స్టోన్ బాత్” చికిత్స పొందారు. కొంతకాలానికి బజార్ అనే మ్యాగ్జిన్ లో అందాలు ఆరబోసే దృశ్యాల్లో కనిపించారు. అప్పట్లో విడుదలైన ఆమె ఫోటోలు సోషల్ మీడియాను షేక్ చేశాయి.
ఖుషి సినిమా విడుదలైన తర్వాత తదుపరి ప్రాజెక్టు ఏమిటో సమంత స్పష్టం చేయలేదు. ఖుషి సినిమా సమయంలో విజయ్ దేవరకొండ తో సమంత సన్నిహితంగా ఉంటుందనే గుసగుసలు వినిపించాయి. సినిమా ప్రమోషన్ లో భాగంగా విజయ్, సమంత చేసిన డ్యాన్స్ కూడా పై గుసగుసలకు బలం చేకూర్చింది. తర్వాత ఆమె కొంతకాలం సైలెంట్ గా ఉంది. తనను ఇబ్బంది పెడుతున్న మయోసైటీస్ వ్యాధికి ఆమె మలేషియాలో చికిత్స తీసుకుంటున్నారు. ఈ క్రమంలో ఓ కొలనులో ఆమె సేదతీరుతున్న ఫోటోలను సామాజిక మాధ్యమ ఖాతాలలో షేర్ చేశారు. ప్రస్తుతం ఆ ఫోటోలు సోషల్ మీడియాను షేర్ చేస్తున్నాయి. సమంత కొలనులో ఈత కొడుతున్న దృశ్యాలు కొర్రకారకు మతి పోగొట్టినంత పని చేస్తున్నాయి.
