Bandla Ganesh On Trivikram: త్రివిక్రమ్ వల్లే పవన్ కళ్యాణ్ – రేణు దేశాయ్ విడిపోయారు : బండ్ల గణేష్ సంచలన వ్యాఖ్యలు

Bandla Ganesh On Trivikram: గత కొంత కాలం నుండి ట్విట్టర్ లో బండ్ల గణేష్ త్రివిక్రమ్ పై మరియు పవన్ కళ్యాణ్ పై పరోక్షంగా సెటైర్లు వేస్తూ కనిపించడం మనం గమనిస్తూనే ఉన్నాము. ‘భీమ్లా నాయక్’ ప్రీ రిలీజ్ ఫంక్షన్ కి బండ్ల గణేష్ కి ఉద్దేశపూర్వకంగానే త్రివిక్రమ్ శ్రీనివాస్ ఆహ్వానం పంపలేదు. అప్పటి నుండి బండ్ల గణేష్ త్రివిక్రమ్ పై తిరగబడ్డాడు.

ఆయనని నమ్మి తనని పవన్ కళ్యాణ్ దూరం చేసాడు అనే ఉద్దేశ్యంతో సోషల్ మీడియా లో పవన్ కళ్యాణ్ గురించి అప్పుడప్పుడు పరోక్ష సెటైర్లు కూడా వేస్తుంటాడు బండ్ల గణేష్. ఆయన చేసే కామెంట్స్ పెద్ద వివాదాలకు కూడా దారి తీస్తున్నాయి. ఒకప్పుడు పవన్ కళ్యాణ్ భజన తో ట్విట్టర్ మొత్తం మారుమోగిపోయ్యేలా చేసిన బండ్ల గణేష్ ఇప్పుడు పవన్ కళ్యాణ్ ఊసే ఎత్తడం లేదు. ‘గబ్బర్ సింగ్’ చిత్రం వార్షికోత్సవం కి ఆయన నుండి ఒక్క ట్వీట్ కూడా రాకపోవడం విశేషం.

‘గబ్బర్ సింగ్’ లేకపోతే నాకు జీవితమే లేదు అంటూ చెప్పుకొనే బండ్ల గణేష్, గబ్బర్ సింగ్ విడుదల వార్షికోత్సవాన్ని పురస్కరించుకొని ఫ్యాన్స్ మొత్తం సంబరాలు చేసుకుంటుంటే నాకు ఏమాత్రం సంబంధం లేదు అన్నట్టుగా బండ్ల గణేష్ వ్యవహరించిన తీరు చూస్తుంటే ఈయన కూడా పవన్ కళ్యాణ్ కి త్వరలోనే వెన్నుపోటు పొడవబోతున్నారా అనే సందేహం అభిమానుల్లో కలిగింది. అయితే ఈరోజు ఆయన మరోసారి వివాదాస్పద వ్యాఖ్యలు చేసాడు. ఒక అభిమాని బండ్ల గణేష్ ని ట్యాగ్ చేస్తూ ‘అన్నయ్య నిర్మాత అవ్వాలంటే ఎలా’ అని అడుగుతాడు. అప్పుడు బండ్ల గణేష్ ఆ ట్వీట్ కి రిప్లై ఇస్తూ ‘గురూజీ (త్రివిక్రమ్) కి ఒక కాస్ట్లీ గిఫ్ట్ ఇవ్వు..కచ్చితంగా అవకాశం ఇస్తాడు’ అని అంటాడు.

అప్పుడు మరొక అభిమాని ‘గురూజీ పక్క ఇండస్ట్రీ సినిమాలను కాపీ కొట్టి తెలుగు లో తీస్తూ ఖూనీ చేస్తున్నాడు అంటగా’ అని అడగగా , దానికి బండ్ల గణేష్ సమాధానం చెప్తూ ‘అదే కాదు భార్యాభర్తల్ని,తండ్రి కొడుకుల్ని,గురుశిష్యుల్ని ఎవర్నైనా వేరు చేస్తాడు..అది మన గురూజీ స్పెషాలిటీ’ అంటూ రిప్లై ఇస్తాడు. భార్య భర్తల్ని వేరు చెయ్యడం అంటే బండ్ల గణేష్ పవన్ కళ్యాణ్ – రేణు దేశాయ్ ని ఉద్దేశించి మాట్లాడాడని అర్థం అవుతుంది అని ఫ్యాన్స్ అంటున్నారు.