Chanakya Neeti: చాణక్యుడు ఎన్నో విషయాల గురించి ప్రజలకు వివరించారు. ఆయన చెప్పిన ధర్మసందేహాలను తూ.చ తప్పకుండా పాటిస్తే మెరుగైన జీవితం పొందుతారు. ఇప్పటికీ ఈయన నియమాలను, మార్గ దర్శకాలను పాటించేవారు ఉన్నారు. అయితే శత్రువులు అందరికీ ఉంటారు. చిన్న పిల్లలను ఈ ప్రశ్న అడిగినా కొందరి పేరు చెబుతుంటారు. అయితే శుత్రువుల విషయంలో కొన్ని విషయాలను గుర్తుపెట్టుకోవాలి. దీని వల్ల విజయం మీకే సొంతం అవుతుంది. ఇంతకీ ఏ విషయాలను మర్చిపోకూడదో చూడండి.
శత్రువుల పట్ల జాగ్రత్తగా ఉండాలి. జాగ్రత్త వహించకపోతే చాలా నష్టాలను ఎదుర్కోవాల్సి వస్తుంటుంది. విపత్తు లేదా ఇబ్బంది వచ్చినప్పుడు భయపడకుండా ఎదురు వెళ్లండి. కష్టాలు వచ్చినప్పుడు సహనం కోల్పోతే.. శత్రువు చేతిలో ఓడిపోయే అవకాశం ఎక్కువగా ఉంటుంది. కాబట్టి సహనం ముఖ్యం. మనసును ప్రశాంతంగా ఉంచుకోవాలి. మంచి ఆరోగ్యం ఉంటే ఎంతటి సమస్యను అయినా ఇట్టే పరిష్కరించుకోవచ్చు. అందుకే ఆరోగ్యం పట్ల జాగ్రత్తగా ఉండాలి అంటారు చాణక్యుడు.
ఆరోగ్యంగా ఉంటే శక్తియుక్తులు పెంపొందుతాయి. శత్రువును ఓడించడంలో మీ ఆరోగ్యమే ముఖ్య పాత్ర పోషిస్తుంది. అహంకారానికి కూడా దూరంగా ఉండాలి అంటారు చాణక్యుడు. అహంకారం శత్రువుకు ప్రయోజనం చేకూరేలా చేస్తుంది. అహంకారం ఉంటే తప్పుడు నిర్ణయాలు తీసుకునే అవకాశం ఎక్కువగా ఉంటుంది. ఇది శత్రువుకు అవకాశంగా మారే అవకాశం ఎక్కువగా ఉంటుంది. సత్యం వైపు అడుగులు వేసే మనిషి నీతినియమాలు అనుసరిస్తాడు. క్రమశిక్షణతో ఉంటాడు. ఇలాంటి వారికి శత్రువులు భయపడుతారు.
సత్యాన్ని పాటిస్తూ లక్ష్యాన్ని వదలకపోతే మిమ్మల్ని ఎవరు ఓడించలేరు. దీనికోసం కొంత సమయం పట్టవచ్చు. కానీ సత్యమే చివరికి విజయం సాధిస్తుంది. ఈ విషయం ఎప్పటికీ మరిచిపోకండి. శత్రువు మీ కదలికలను, కార్యాచరణను గమనిస్తూనే ఉంటాడు. అలాంటప్పుడు మీ అజాగ్రత్త ఆయనకు ప్లస్ అవుతుంది. సో జాగ్రత్త. నమ్మకమైన వ్యక్తులు మీ చుట్టూ ఉండాలి. చెడు అలవాట్లకు దూరంగా ఉండాలి అన్నారు చాణక్యుడ. ఈయన చెప్పిన విషయాలు పాటిస్తే శత్రువు పట్ల విజయం మీదే అవుతుంది.