ఇంగ్లాండ్ లో పర్యటిస్తున్న టీమ్ ఇండియా జట్టులో కొత్తగా ఎవరినీ చేర్చొద్దని, అక్కడున్న 20 మంది ఆటగాళ్లు సరిపోతారని దిగ్గజ సారథి కపిల్ దేవ్ అన్నారు. ఇటీవల యువ ఓపెనర్ శుభ్ మన్ గిల్ గాయపడటంతో ఆ స్థానంలో పృథ్వీషాను తిరిగి ఇంగ్లాండ్ కు పంపించాలని భారత జట్టు బీసీసీఐని కోరినట్లు వార్తలు వచ్చాయి. ఈ నేపథ్యంలోనే ఓ జాతీయ మీడియాతో మాట్లాడిన కపిల్ అలా చేయడం సరైంది కాదన్నారు. అదే జరిగితే ఇంగ్లాండ్ లో ఉన్న అదనపు ఆటగాళ్లను అవమానించినట్లేనని అభిప్రాయపడ్డారు.