Rajamouli- Hero Nikhil: రాజమౌళి RRR లాగా నేను ఫేక్ స్టోరీతో సినిమాని తీయలేను: హీరో నిఖిల్

Rajamouli- Hero Nikhil: ప్రస్తుతం టాలీవుడ్ లో ఉన్న యువ హీరోలలో విభిన్నమైన కథాంశాలను ఎంచుకుంటూ ఆడియన్స్ ని థ్రిల్ కి గురి చేసే హీరో నిఖిల్. ఇతని ఫిల్మోగ్రఫీ చూస్తే ఒక్కో సినిమా ఒక్కో ఆణిముత్యం లాగ ఉంటుంది. ‘హ్యాపీ డేస్’ చిత్రం తర్వాత ఆయనకీ సూపర్ హిట్ రావడానికి చాలా సమయమే పట్టింది . ‘స్వామి రారా’ చిత్రం నుండి ఆయన ఎంచుకుంటున్న కథలు ఎంతో ప్రత్యేకంగా ఉంటాయి.

రీసెంట్ గా కార్తికేయ 2 చిత్రం తో పాన్ ఇండియా ఆడియన్స్ ని అలరించిన నిఖిల్, ఇప్పుడు ‘స్పై’ అనే మరో పాన్ ఇండియన్ చిత్రం తో ఆడియన్స్ కి మరో థ్రిల్లింగ్ అనునుభూతిని ఇవ్వబోతున్నాడు. గ్యారీ BH అనే నూతన దర్శకుడి దర్శకత్వం లో తెరకెక్కుతున్న ఈ చిత్రానికి సంబంధించిన టీజర్ ని నిన్న విడుదల చేసారు, ఈ టీజర్ కి ఆడియన్స్ నుండి సెన్సషనల్ రెస్పాన్స్ వచ్చింది.

నేతాజీ సుభాష్ చంద్రబోస్ కనిపించకుండా పోవడానికి కారణం ఏంటో కనుక్కునే స్పై గా ఇందులో నిఖిల్ నటించాడు. టీజర్ కి అద్భుతమైన రెస్పాన్స్ వచ్చిన సందర్భంగా నిఖిల్ ప్రత్యేకంగా ఒక ప్రెస్ మీట్ ని ఏర్పాటు చేసాడు. ఈ ప్రెస్ మీట్ లో ఒక విలేఖరి నిఖిల్ ని ప్రశ్న అడుగుతూ ‘#RRR చిత్రం లో స్వాతంత్ర సమరయోధులు అల్లూరి సీతారామరాజు మరియు కొమరంభీం వంటి వారి పేర్లను వాడుకొని అబద్దపు సినిమా తీసాడు, మీరు కూడా సుభాష్ చంద్రబోస్ పేరు ని వాడుకొని ఫిక్షనల్ సినిమా తీసారా’ అని అడుగుతాడు.

దానికి నిఖిల్ సమాధానం చెప్తూ ‘ఇది #RRR లాగ అబద్దపు స్టోరీ కాదు, సుభాష్ చంద్రబోస్ గారి గురించి 1970 వ సంవత్సరం నుండే చంద్రబోస్ గారు కనిపించకుండా పోయినదానికి సంబంధించిన ఫైల్స్ ఉన్నాయి, ఆ ఫైల్స్ ని ఈమధ్యనే డిటాచ్ చేసారు. మేము ఆ ఫైల్స్ ని సంపాదించి ఈ చిత్రాన్ని తెరకెక్కించాము’ అంటూ చెప్పుకొచ్చాడు నిఖిల్.