Week End Movies: ఈ మధ్య కాలంలో థియేటర్లలో సినిమాలు భారీ లెవెల్లో విడుదలవుతున్నాయి. చిన్నా పెద్దా అనే తేడా లేకుండా అన్ని సినిమాలు ఢీ కొట్టేందుకు సిద్ధమవుతున్నాయి. అఖండ సినిమా ఘన విజయం తర్వాత ఊపిరి పీల్చుకున్న ఫిల్మ్ ఇండస్ట్రీ ఇకపై సినిమాలు విడుదల చేయొచ్చని భరోసాను కల్పించారు ప్రేక్షకులు. ఈ క్రమంలోనే పెద్ద సినిమాలు థియేటర్లలో సందడి చేసేందుకు సిద్ధమవుతున్నాయి.
కాగా తాజాగా ఈ వారంలో పలు స్టార్ హీరోల సినిమాలు ప్రేక్షకులను అలరించేందుకు రెడీగా ఉన్నాయి. లాస్ట్ వీక్ విడుదలైన సినిమాలు బాలయ్య హవాను తట్టుకోలేకపోయాయి. అయితే, ఈ వారం వచ్చే సినిమాల తీరు అలా కాదు.. రిలీజ్కు వారం రోజుల ముందే ఇండియాలో రికార్డు స్థాయిలో బుకింగ్స్ జరుగుతున్నాయి. అది కూడా హాలీవుడ్ సినిమా స్పైడర్మ్యాన్కు ఇంత క్రేజ్. ఈ క్రమంలోనే ఈ వారం సందడి చేయనున్న సినిమాలపై ఓ లుక్కేద్దాం.
హాలీవుడ్లోనే కాదు.. ప్రపంచ వ్యాప్తంగా భారీ క్రేజ్ సంపాదించుకున్న కామిక్ రోల్ స్పైడర్ మ్యాన్. ఈ సారి మరింత వినోదాన్ని పంచేందుకు సిద్ధమయ్యారు ఈ హీరో. ఈ క్రమంలనే స్పైడర్ మ్యాన్ నో వే హోమ్ అంటూ వస్తున్నారు. డిసెంబరు 17న ఈ సినిమా విడుదల కాగా.. ఇండియాలో మాత్రం ఒకరోజు ముందే అంటే డిసెంబరు 16న విడుదల కానుంది.
Also Read: టికెట్ రేటు విషయంలో హైకోర్టు తీర్పుపై… డివిజనల్ బెంచ్ లో పిటిసన్ వేసిన ఏపీ సర్కారు
మరోవైపు సుకుమార్ దర్శకత్వంలో వస్తోన్న పుష్ప సినిమా కూడా డిసెంబరు 17న విడుదలకు సిద్ధమైంది. ఇప్పటికే విడుదలైన ఈ సినిమా పాటలు, ట్రైలర్లు విపరీతమైన అంచనాలు క్రియేట్ చేశాయి. ఇందులో రష్మిక హీరోయిన్గా నటిస్తుండగా.. అల్లు అర్జున్ హీరోగా కనిపించనున్నారు.
మరోవైపు పూర్ణ, తేజ హీరో హీరోయిన్లుగా బాలాజీ దర్శకత్వంలో తెరకెక్కిన సినిమా బ్యాక్డోర్. ప్రపంచవ్యాప్తంగా ఈ సినిమా శుక్రవారం విడుదలకు రెడీ అవుతోంది. ప్రస్తుతం యువత ఎలా ఆలోచిస్తోంది.. ఎలా తప్పుదారి పడుతున్నారన్న అంశంపై ఈ సినిమా తెరకెక్కించారు. ఈ నెల 18న ఈ సినిమా థియేటర్లలో సందడి చేయనుంది.
Also Read: పుష్పకు కష్టాలు మొదలయ్యాయి.. అల్లు అర్జున్ స్వయంకృపరాధం!
