Aattam
Aattam: నేడు ప్రకటించిన జాతీయ అవార్డులలో ఉత్తమ చిత్రం గా మలయాళం ఇండస్ట్రీ కి చెందిన ‘ఆట్టం’ అనే చిత్రం ఎంపికైన సంగతి మన అందరికీ తెలిసిందే. కమర్షియల్ సినిమాలకంటే ప్రయోగాత్మక చిత్రాలకు పెద్ద పీట వేసే మలయాళం ఇండస్ట్రీ కి ప్రతీ ఏడాది ఎదో ఒక సినిమాకి ముఖ్యమైన క్యాటగిరీలలో అవార్డులు వస్తూనే ఉంటాయి. అక్కడ పెద్ద స్టార్ హీరోలు సైతం కథకు తగ్గట్టు ఎలాంటి పాత్రలైనా చేసేస్తారు. అందుకే ఆ ఇండస్ట్రీ కి అత్యధికంగా అవార్డు విన్నింగ్ సినిమాలు ఉంటాయి. ఇంతకు నేడు జాతీయ ఉత్తమ చిత్రం గా ప్రకటించిన ఆట్టం సినిమాలో అసలు ఏముంది..?, అంతలా నేషనల్ అవార్డు జ్యూరీ మెంబెర్స్ కి నచ్చేంతలాగా ఆ సినిమాలో ఏముంది?, అసలు ఆ సినిమా కథ ఏమిటి?, ఏ ఓటీటీ లో చూసేందుకు అందుబాటులో ఉంటుంది అనేది ఇప్పుడు మనం చూద్దాము.
ఇక ఈ సినిమా కథ విషయానికి వస్తే కేరళలో 12 మంది నటులు ఉన్న ఒక నాటక బృందం ఉంటుంది. ఈ నాటక బృందం లో కేవలం ఒక్క అమ్మాయి మాత్రమే ఉంటుంది. జీవనం సాగించడం కోసం ఒక్కొక్కరు ఒక్కో పని చేసుకుంటూ, సమయం దొరికినప్పుడల్లా అందరూ కలిసి నాటక ప్రదర్శనలు ఇస్తూ ఉంటారు. ఈ బృందం లో ప్రదర్శించే నాటికలో వినయ్, అంజలి, హరి అనే ముగ్గురు కీలక పాత్రధారులుగా ఉంటారు. హరి సినిమాల్లో మంచి నటుడు. అతను సినిమా నటుడు కాబట్టి ప్రతీ నాటకంలో అతనే కథానాయకుడిగా ఉంటాడు. అతనికే ఎక్కువగా ప్రాధాన్యత ఇవ్వడం వినయ్ కి అసలు నచ్చదు. అయితే ఒక రోజు ఈ బృందం వేసిన నాటం ని చూసి ముగ్దులైన ఒక విదేశీ జంట తమ రిసార్ట్ లో ఈ బృందం కి గ్రాండ్ ట్రీట్ ఇస్తుంది. అందరూ మద్యం పార్టీ లో చిందులేస్తూ మత్తులో ఊగిపోతూ ఉంటారు. బాగా ఆలస్యం అవ్వడంతో అందరూ ఎవరి గదిలోకి వారు వెళ్లి నిద్రపోతారు. అంజలి తన గదిలో ఉన్న కిటికీ పక్కనే పడుకొని నిద్రపోతుంది.
అందరూ నిద్రపోతున్న సమయం లో అంజలి తో ఒకరు కిటికీ లో నుండి చెయ్యి ఆమె పైన వేసి చాలా అసభ్యంగా ప్రవర్తిస్తాడు. అలా ప్రవర్తించిన వ్యక్తి వీళ్ళ నాటక బృందం లో ఉన్న 12 మంది నటులలో ఒకరు. వీరిలో అంజలి తో అలా ఎవరు ప్రవర్తించారు?, అంజలి తనతో అలా ప్రవర్తించిన వ్యక్తి ఎవరో గుర్తు పట్టిందా?, గుర్తు పట్టిన తర్వాత ఏమి జరుగుతుంది అనేదే స్టోరీ.కథ వింటుంటే చాలా ఆసక్తికరంగా ఉంది కదూ..?, స్క్రీన్ ప్లే కూడా అంతే ఆసక్తికరంగా ఉంటుంది. ఈ సినిమా అమెజాన్ ప్రైమ్ లో అందుబాటులో ఉంది. తెలుగులో ఆడియో అయితే లేదు కానీ, సబ్ టైటిల్స్ మాత్రం తెలుగు వర్షన్ వి ఉన్నాయి. ఆద్యంతం ఉత్కంఠ కలిగించే ఈ థ్రిల్లింగ్ కథ ని మాత్రం మిస్ అవ్వకండి, వెంటనే చూసేయండి.
