Ammu Abhiram: రాక్షసుడు సినిమాతో తెలుగు ప్రేక్షకులకు పరిచయమై నారప్ప, Fcuk వంటి చిత్రాల్లో హీరోయిన్గా కనిపించి తన అందం అభినయంతో అభిమానులను సొంతం చేసుకున్న తమిళ బ్యూటీ అమ్ము అభిరామి. అయితే, ఈ అమ్మడు తన ప్రేమ వ్యవహారం గురించి ఇన్స్టా వేదికగా ఓ ఆసక్తికర పోస్ట్ చేసింది. ఈ క్రమంలోనే తన ప్రేమ ఎక్కడ, ఎలా మొదలైంది. అతన్ని ఎలా సొంతం చేసుందో వివరించింది.
మీ అందరికి ఓ స్టోరీ చెప్తాను. 2012లో ఏడో తరగతి చదువుతున్నప్పుడు ఓ రోజు నేను, మా నాన్న విరుగంబాక్కం సిగ్నల్ వద్ద ఆగాము. అక్కడ మొదటిసారి థార్ కారును చూసి ప్రేమలో పడిపోయాను. అదే నా మొదటి క్రష్. ఫస్ట్ లవ్. నా మనసంతా అక్కడే ఉండిపోయింది. ఏ కారు కూడా నన్ను అంతలా ఆకట్టుకోలేదు. అప్పటి వరకు కార్లను ఇష్టపడని నేను ఈ కారుతో ప్రేమలో పడిపోయా. అప్పుడు మా నాన్నను ఎవరు ఇతను ఇంత అందంగా ఉన్నాడు అని అడిగాను. మా నాన్న షాక్ అయ్యారు. ఈ వయసులో ఎవరి గురించి అడుగుతుంది అని.. కానీ ఆ తర్వాత మా నాన్నకు అర్ధమైంది. నేను కారు గురించి అడుగుతున్నాను అని. అప్పుడు మా నాన్న ఆ కారు పేరు మహీంద్రా థార్. సూపర్ బండి అని చెప్పారు. నా కళ్లన్ని ఆ కారుపైనే ఉన్నాయి.
అప్పుడే ఫిక్స్ అయ్యాను. ఒకవేళ నేను కార్ కొంటే అది కచ్చితంగా మహీంద్రా థార్ కొనాలని. మా నాన్న నువ్వు కచ్చితంగా ఏదో ఒకరోజు ఆ కారును సొంతం చేసుకుంటావు అని చెప్పారు. 2021లో ఆ కార్ నా దగ్గరకు వచ్చింది. ఇదంతా కలనా ? నిజమా ? అనుకున్నాను. మొత్తానికి నా థార్ను ఇంటికి తెచ్చుకుననాను.. పదమూడేళ్ల వెనక్కు వెళ్లి నన్ను నేను హగ్ చేసుకుని నువ్వు సాధించావ్ అని చెప్పాలని ఉంది. ఇలా తన కారు లవ్స్టోరీ గురించి చెప్పుకొచ్చింది ఈ ముద్దుగుమ్మ. అందరూ కలలు కనాలని వాటి కోసం కష్టపడాలని సూచించింది. అప్పుడే ఏదో ఒకరోజు విజయం సాధిస్తారని చెప్పుకొచ్చింది.
