దేశంలో లాక్డౌన్ కారణంగా సినిమా షూటింగులు వాయిదాపడిన సంగతి తెల్సిందే. దీంతో సెలబ్రెటీలంతా ఇంటికే పరిమితయ్యారు. ఈ లాక్డౌన్ సమయాన్ని ఒక్కోరు ఒక్కోలా ఎంజాయ్ చేస్తున్నారు. ఎప్పుడు బీజీగా గడిపే స్టార్లు తమకు దొరికిన ఈ సమయాన్ని ఫ్యామిలీతో గడిపేందుకే ఇష్టపడుతున్నారు. తమ అనుభవాలను అభిమానులతో పంచుకుంటూ వారిని అలరిస్తున్నారు. ఇక తెరపై యాక్షన్ సీన్లతో అదరగొట్టే హీరోలంతా లాక్డౌన్లో వైరటీగా వంటింటికి పరిమితమయ్యారు. కుకింగ్ చేస్తూ తమ నలభీమ ప్రావీణ్యాన్ని అభిమానులకు చూపించి అభిమానులను ఆకట్టుకున్నారు. అలాగే తమ ఇష్టమైన వారికి నచ్చిన వంటకాన్ని చేసి వారి అప్యాయతను చూరగొన్నారు. ఇటీవల మెగాస్టార్ చిరంజీవి స్వయంగా దోశవేసి తన తల్లికి వడ్డించి ఆకట్టుకున్నాడు. అదేవిధంగా మెగా పవర్ స్టార్ రాంచరణ్ తన వైఫ్ ఉపాసన కోసం చేప కర్రీ చేసి ఆ వీడియోను సోషల్ మీడియాలో పోస్టు చేసి అందరిచేత శభాష్ అనిపించుకున్నాడు.
తాజాగా చిరంజీవి రెండో అల్లుడు కల్యాణ్ దేవ్ ఇంట్లో చపాతి చేశారు. తన భార్య శ్రీజ కోసం కల్యాణ్ దేవ్ స్వయంగా చపాతీలు చేసి ఆకట్టుకున్నాడు. ఇంటి నుంచే కల్యాణ్ దేవ్ చపాతీతో తన భార్యకు ఆస్ట్రేలియా, ఆఫ్రికా, ఇండియాలను చూపించాడు. ఈ చపాతీలను చూసిన శ్రీజ చాలా ముచ్చటపడింది. ఈ చపాతి మనం వెళ్లిన ఆస్ట్రేలియాలా ఉంది.. ఇంకో చపాతి చూసి మనం వెళ్లాలనుకున్న ఆఫ్రికా ఇదేనంటూ సైటర్ వేయడం ఆకట్టుకుంది. కల్యాణ్ దేవ్ కూడా మరో చపాతి తీసుకొని ఇది ఇండియా అంటూ చూపించాడు. వీరిద్దరి మధ్య సంభాషణ అభిమానులను ఆకట్టుకుంది. ఏదిఏమైనా చపాతిలకు ఆకారం ముఖ్యం కాదని.. టెస్టీనే ముఖ్యమని కల్యాణ్ దేవ్-శ్రీజ దంపతులు చెప్పడం అలరించింది. ఇందుకు సంబంధించిన వీడియోను శ్రీజ తన ఇన్ స్ట్రాలో పోస్టు చేసింది. మీరేవరైనా మీకు నచ్చిన స్లైల్లో చపాతీలను చేసి ఆ ఫొటోలను పంపిస్తే వాటిని తన ఇన్ స్ట్రాలో పెడుతునంటూ శ్రీజ తెలిపింది. దీంతో మెగా అభిమానులు వైరటీ చపాతీలు చేసే పనిలో పడ్డారు.
