Pushpa 2: పుష్ప విడుదలై రెండేళ్లు దాటిపోయింది. ఆ చిత్ర సీక్వెల్ పై మాత్రం హైప్ నడుస్తుంది. ముఖ్యంగా నార్త్ ఆడియన్స్ పుష్ప 2 కోసం ఆసక్తిగా ఎదురుచూస్తున్నారు. ఇటీవల ప్రముఖ బాలీవుడ్ మీడియా జరిపిన సర్వేలో టాప్ 5 మోస్ట్ అవైటెడ్ హిందీ చిత్రాల్లో మొదటి స్థానం పుష్ప 2కి దక్కింది. స్థానిక స్టార్ హీరోల అప్ కమింగ్ చిత్రాల కంటే కూడా పుష్ప 2 మీదే జనాలకు ఆసక్తి ఉంది. పుష్ప ప్రకటన సమయంలో పాన్ ఇండియా ఆలోచన లేదు. కొంత షూటింగ్ జరిగాక… ఐదు భాషల్లో రెండు భాగాలుగా విడుదల చేస్తున్నట్లు ప్రకటించారు.
దర్శకుడు సుకుమార్ ఆలోచన మంచి ఫలితాన్ని ఇచ్చింది. పుష్ప భారీ విజయం సాధించింది. హిందీలో మొదటి రోజు కేవలం రూ. 3 కోట్లు వసూలు చేసిన పుష్ప… వర్డ్ ఆఫ్ మౌత్ తో మెల్లగా పుంజుకుంది. ఏకంగా వంద కోట్లకు పైగా వసూళ్లు రాబట్టింది. ఇక వరల్డ్ వైడ్ పుష్ప రూ. 360 కోట్ల గ్రాస్ అందుకుంది. అల్లు అర్జున్ కెరీర్ హైయెస్ట్ నమోదు చేశాడు.
పుష్ప తో అల్లు అర్జున్ పాన్ ఇండియా స్టార్ అయ్యాడు. పార్ట్ 1 సక్సెస్ నేపథ్యంలో పుష్ప 2 బడ్జెట్ మూడు రెట్లు పెంచారు. పుష్ప 2 దాదాపు రూ. 300 కోట్ల బడ్జెట్ తో తెరకెక్కుతుంది. ఈ క్రమంలో మరింత క్వాలిటీగా చిత్రాన్ని తెరకెక్కిస్తున్నారు. పుష్ప 2 ఆగస్ట్ 15న విడుదల చేస్తున్నట్లు ఇప్పటికే ప్రకటించారు. అయితే పుష్ప 2 వాయిదా పడొచ్చనే ఊహాగానాలు మొదలయ్యాయి. పుష్ప 2లో కీలక రోల్ చేస్తున్న నటుడు జగదీష్ ప్రతాప్ ఇటీవల ఓ అమ్మాయి ఆత్మహత్య కేసులో అరెస్ట్ అయ్యాడు.
జగదీష్ జైలుపాలు కావడంతో చిత్ర షూటింగ్ కి బ్రేక్ పడిందని, అనుకున్న ప్రకారం విడుదలయ్యే అవకాశం లేదంటూ పుకార్లు వినిపించాయి. ఈ ఊహాగానాలను పుష్ప నిర్మాతలు ఖండించారు. చెప్పినట్లే పుష్ప 2 ఇండిపెండెన్స్ డే నాడు విడుదల అవుతుందని క్లారిటీ ఇచ్చారు. దీంతో అల్లు అర్జున్ ఫ్యాన్స్ ఆనందం వ్యక్తం చేస్తున్నారు. ఇక అల్లు అర్జున్ కి జంటగా రష్మిక మందాన నటిస్తుంది. ఫహద్ ఫాజిల్ మెయిన్ విలన్. సునీల్, అనసూయ కీలక రోల్స్ చేస్తున్నారు. దేవిశ్రీ ప్రసాద్ సంగీతం అందిస్తున్నారు. మైత్రీ మూవీ మేకర్స్ నిర్మిస్తున్నారు.
