Puri Jagannadh Slum Dog Teaser Review: అద్భుతమైన టాలెంట్ ఉన్నప్పటికీ ఒకే మూసలో సినిమాలను తెరకెక్కిస్తూ, వరుసగా డిజాస్టర్ ఫ్లాప్స్ ని అందుకుంటున్న టాలెంటెడ్ డైరెక్టర్ ఎవరైనా ఉన్నారా అంటే , అది పూరి జగన్నాథ్ మాత్రమే. ఒకప్పుడు రాజమౌళి ని మించిన టాప్ డైరెక్టర్ , కానీ ఇప్పుడు పూరి జగన్నాథ్ సినిమా అంటేనే ఆడియన్స్ కి విరక్తి కలిగే పరిస్థితి ఏర్పడింది. ‘ఇస్మార్ట్ శంకర్’ చిత్రం తో భారీ బ్లాక్ బస్టర్ ని అందుకొని సక్సెస్ ట్రాక్ లోకి వచ్చాడు పూరి జగన్నాథ్. ఇక ఆయనకు తిరుగులేదు , పాన్ ఇండియా లెవెల్ లో సెన్సేషన్ సృష్టిస్తాడు , పూరి పవర్ ఏంటో ఈ జనరేషన్ ఆడియన్స్ చూస్తారు అని అంతా అనుకున్నారు. కానీ అది జరగలేదు. ఈ చిత్రం తర్వాత ఆయన చేసిన ‘లైగర్’, ‘డబుల్ ఇస్మార్ట్’ చిత్రాలు ఘోరమైన డిజాస్టర్ ఫ్లాప్స్ గా మిగిలాయి.
దీంతో పూరి జగన్నాథ్ కం బ్యాక్ ఇవ్వడం అసాధ్యమని అంతా అనుకున్నారు. సరిగ్గా అలాంటి సమయం లో తమిళ హీరో విజయ్ సేతుపతి తో ‘స్లండాగ్’ చిత్రాన్ని ప్రకటించాడు పూరి జగన్నాథ్. పూరి జగన్నాథ్ మీద నమ్మకం లేకపోయినప్పటికీ, విజయ్ సేతుపతి మంచి సినిమాలు చేస్తాడు కాబట్టి , ఆయన ఊరికే ఈ కథని ఒప్పుకొని ఉండడు, కచ్చితంగా విషయం ఉండే ఉంటుందని అంతా అనుకున్నారు. అలా మంచి పాజిటివ్ వైబ్స్ తోనే ఈ చిత్రం మొదలైంది. నిన్ననే ఈ సినిమాకు సంబంధించిన టీజర్ ని విడుదల చేశారు. ఈ టీజర్ కి నెటిజెన్స్ నుండి భయంకరమైన నెగెటివ్ ఫీడ్ బ్యాక్ వచ్చింది. పూరి జగన్నాథ్ ఈ మూస నుండి బయటకి వచ్చే ప్రసక్తే లేదా?, ఇంకెన్ని రోజులు ఇవే సినిమాలు , రోత పుట్టిస్తున్నాడు అంటూ కామెంట్స్ చేస్తున్నారు నెటిజెన్స్. ఈ టీజర్ చూసిన తర్వాత కథ విషయం లో ఒక క్లారిటీ వచ్చేసింది.
హీరో విజయ్ సేతుపతి బిక్షగాళ్ల తరుపున నిలబడి పోరాటం చేసే మనిషి అని. వీళ్లకు ఎదో ఒక సమస్య వస్తుంది , వాళ్ళ తరుపున నిలబడి పోరాడుతాడు. లైన్ మంచిదే , కానీ పూరి జగన్నాథ్ తన మార్క్ లో , అవసరం లేని హీరోయిజం తో హీరో ని చూపించడమే చెత్తగా అనిపించింది. ఇదే సినిమాని వేరే యాంగిల్ లో తీయొచ్చు , ఇలాంటి కంటెంట్ సినిమాలను నిజాయితీగా తీస్తే ఆడియన్స్ నెత్తిన పెట్టుకొని ఆదరిస్తారు , ఇప్పుడు నడుస్తున్న ట్రెండ్ అదే. కానీ పూరి జగన్నాథ్ ట్రెండ్ కి విరుద్ధంగా వెళ్తున్నాడు. ఇదే ఆడియన్స్ కి నచ్చడం లేదు. ఈ టీజర్ ని చూసిన తర్వాత ఫ్లాప్ కల ఉట్టిపడుతోంది. కానీ ఇస్మార్ట్ శంకర్ చిత్రం లాగానే ఈ సినిమా కూడా ఆడియన్స్ ని సర్ప్రైజ్ కి గురి చేస్తుందో లేదో చూడాలి.
