Prince Yawar
Prince Yawar: ప్రిన్స్ యావర్.. ప్రస్తుతం ఈ పేరు తెలియని తెలుగు ప్రేక్షకులు లేరనే చెప్పుకోవచ్చు. బిగ్ బాస్ తెలుగు సీజన్ -7 లో కంటెస్టెంట్ గా ప్రిన్స్ యావర్ రాణిస్తున్నారన్న సంగతి ప్రతి ఒక్కరికీ తెలిసిందే. తన ఆట తీరుతో ప్రతి ఒక్కరిని మైమరపిస్తున్నారంటే ఏ మాత్రం అతిశయోక్తి లేదు.
అమాయకత్వం, ప్రేమకు నిలువెత్తు రూపంలా యావర్ కన్పిస్తారంటూ సోషల్ మీడియా వేదికగా నెటిజన్లు కామెంట్స్ చేస్తుండటం విశేషం.
బిగ్ బాస్ సీజన్ -7 లో నిర్వహించే ప్రతి టాస్క్, ప్రతి నామినేషన్ వైవిధ్యాన్ని కనబరుస్తుంది. ఈ క్రమంలోనే కంటెస్టెంట్స్ ఫ్యామిలీని మిస్ అవుతున్న సమయంలోనే వారి కోసం బిగ్ బాస్ ఫ్యామిలీ వీక్ నిర్వహించింది. ఇందులో భాగంగా కంటెస్టెంట్స్ కుటుంబ సభ్యులు ఒక్కొక్కరిగా బిగ్ బాస్ హౌస్ లోకి వచ్చి వెళ్తున్నారు.
తాజాగా హౌస్ లోకి వచ్చిన గౌతమ్ తల్లిని చూసిన మరో కంటెస్టెంట్ ప్రిన్స్ యావర్ కొంత ఎమోషనల్ అయ్యారని చెప్పొచ్చు. యావర్ తల్లి చిన్నతనంలోనే ఆయనకు దూరమైన సంగతి తెలిసిందే. ఈ క్రమంలోనే తల్లి ప్రేమను చూడని యావర్ బిగ్ బాస్ హౌస్ లో వారి ప్రేమాభినాలను చూసి మరింతగా భావోద్వేగానికి గురయ్యారు. ఇక యావర్ అన్నయ్య హౌస్ లోకి అడుగు పెట్టగానే యావర్ కన్నీంటి పర్యంతమైయ్యాడు. ఈ సీన్ ను చూసిన కంటెస్టెంట్స్ ఏ కాదు ప్రతి ప్రేక్షకుడు కంటతడి పెట్టుకున్నారు. అయితే ఫ్యామిలీ వీక్ లో భాగంగా బిగ్ బాస్ కూడా యావర్ కు ఓ సర్ ఫ్రైజ్ ఇచ్చాడు. యావర్ కోసం తన అమ్మ ఫోటోను పంపి ఆశ్చర్యానికి గురి చేశారు.
అనంతరం ఓ సందర్భంలో యావర్ తో పాటు ఆయన సోదరులు తొలిసారిగా బయటకు వచ్చారు. ఈ నేపథ్యంలోనే యావర్ బ్రదర్ మాట్లాడుతూ కన్నీంటి పర్యంతమయ్యారు. ప్రిన్స్ యావర్ కు చిన్నతనంలోనే తల్లి దూరం అయ్యారని, అప్పటి నుంచి తామే అయి పెంచామని చెప్పారు. చిన్నతనంలో యావర్ అమ్మా.. అమ్మా.. అని ఏడ్చేవాడని కానీ ఆ సమయంలో తనను ఎలా ఓదార్చాలో కూడా తెలిసేది కాదని పేర్కొన్నారు. అయితే అమ్మ ప్రేమను మాత్రం ఇవ్వలేకపోయామని, తమకు తల్లి ప్రేమ అంటే ఏంటో కూడా తెలియదని చెప్పడంతో అందరిని ఎమోషనల్ గా కట్టి పడేసింది.
