Salaar: కేజీఎఫ్ లాంటి హై వోల్టేజ్ మూవీ తీసిన ‘ప్రశాంత్ నీల్’ దర్శకత్వంలో నేషనల్ స్టార్ ప్రభాస్ హీరోగా రాబోతున్న మాస్ యాక్షన్ ఎంటర్టైనర్ “సలార్”. ఈ సినిమా కోసం ప్రభాస్ ఫ్యాన్స్ ఎంతగానో ఎదురుచూస్తున్నారు. మరోపక్క యాంటీ ఫ్యాన్స్ ఈ సినిమా పై అనేక నెగిటివ్ కామెంట్స్ చేస్తూ.. సినిమా పై అంచనాలు తగ్గించడానికి శతవిధాల ప్రయత్నాలు చేస్తున్నారు.
ఇందులో భాగంగా ఈ సినిమా ‘ఉగ్రమ్’ అనే కన్నడ సినిమాకి రీమేక్ అని యాంటీ ఫ్యాన్స్ చేస్తున్న ప్రచారంపై తాజాగా డైరెక్టర్ ప్రశాంత్ నీల్ స్పందించారు. సలార్ ఉగ్రమ్ రీమేక్ కాదని, తాను చేసే ప్రతి సినిమాలోనూ ఉగ్రమ్ స్టైల్ ఉంటుందని.. అది తన స్టైల్ అని ప్రశాంత్ నీల్ చెప్పుకొచ్చాడు. మొత్తానికి ఈ పాన్ ఇండియా సినిమా రీమేక్ కాదు అంటూ ప్రశాంత్ నీల్ క్లారిటీ ఇచ్చాడు.
ప్రశాంత్ నీల్.. కేజీఎఫ్ 2 సినిమా ప్రమోషన్స్ లో ప్రస్తుతం ఫుల్ బిజీగా ఉన్నాడు. అన్నట్టు ‘సలార్’ పై పాన్ ఇండియా రేంజ్ లో భారీ అంచనాలు క్రియేట్ అయ్యాయి. అందుకే ప్రశాంత్ కూడా ఆ అంచనాలకు ఏ మాత్రం తీసిపోకుండా సినిమాని భారీ స్థాయిలో నిర్మిస్తున్నాడు. నటీనటుల విషయంలో కూడా భారీ తారాగణాన్ని తీసుకున్నాడు.
పాన్ ఇండియా లెవెల్ లో భారీ అంచనాల మధ్య రూపొందుతున్న ఈ సినిమాలో డార్లింగ్ సరసన శృతి హాసన్ హీరోయిన్గా నటిస్తోంది. పైగా నేషనల్ స్టార్ అయ్యాక ప్రభాస్ చేస్తున్న మొట్టమొదటి ఫుల్ యాక్షన్ కమర్షియల్ సినిమా ఇది. అందుకే, ఈ సినిమా కోసం సినిమా వాళ్ళు కూడా ఆసక్తిగా ఎదురుచూస్తున్నారు.
ఇక ఇప్పుడు జరుగుతున్న షెడ్యూల్ పూర్తి అయ్యాక, సింగరేణి ఓపెన్ కాస్ట్ ప్రాంతంలో తర్వాత షెడ్యూల్ షూటింగ్ జరగనుంది. రామగుండం-3 పరిధిలోని సింగరేణి ఓసీపీ-2లో ఓ భారీ యాక్షన్ సీక్వెన్స్ను చిత్రీకరిస్తారట. ఇప్పటికే అక్కడ భారీగా సెట్స్ కూడా వేశారు. ప్రభాస్ ప్రస్తుతం కేవలం ఈ సినిమా కోసమే బల్క్ డేట్స్ కేటాయించాడు.
