Jai Ganesh OTT: వరుసగా మలయాళ చిత్రాలు బాక్సాఫీస్ వద్ద దుమ్మురేపుతున్నాయి. ఈ ఏడాది విడుదలైన ప్రేమలు, మంజుమ్మెల్ బాయ్స్ భారీ విజయాలు సాధించాయి. ప్రేమలు చిత్రం తెలుగులో కూడా ఆదరణ దక్కించుకుంది. ప్రేమలు చిత్రాన్ని రాజమౌళి కుమారుడు కార్తికేయ తెలుగులో విడుదల చేయడం విశేషం. ఈ చిత్ర హీరోయిన్ మమిత బైజు తెలుగు కుర్రాళ్ళను ఊపేసింది. ఆమె మాయలో పడిపోయారు. ఇక సర్వైవల్ థ్రిల్లర్ గా తెరకెక్కిన మంజుమ్మెల్ బాయ్స్ సైతం భారీ ఆదరణ దక్కించుకుంది.
ఈ చిత్రం రూ. 200 కోట్లకు పైగా వసూళ్లు రాబట్టింది. ప్రేమలు, మంజుమ్మెల్ బాయ్స్ రెండు ఓటీటీలో స్ట్రీమ్ అవుతున్నాయి. తాజా మలయాళ హిట్ మూవీ మరొకటి ఓటీటీలో స్ట్రీమింగ్ కి సిద్ధం అవుతుంది. అదే జై గణేష్. ఈ థ్రిల్లర్ మలయాళంలో భారీ విజయం రాబట్టింది. ప్రేక్షకుల హృదయాలు కొల్లగొట్టింది.
జై గణేష్ ఓటీటీ హక్కులు ప్రముఖ ఓటీటీ సంస్థ అమెజాన్ ప్రైమ్ సొంతం చేసుకుంది. కాగా జై గణేష్ థియేట్రికల్ రన్ ముగిసిన నేపథ్యంలో ఓటీటీ విడుదలకు సిద్ధం చేస్తున్నట్లు సమాచారం. కాగా జై గణేష్ మూవీ మే నాలుగో వారం నుండి స్ట్రీమ్ కానుందట. ఈ మేరకు త్వరలో అధికారిక ప్రకటన రాబోతున్నట్లు సమాచారం. దీంతో ఓటీటీ లవర్స్ సంతోషం వ్యక్తం చేస్తున్నారు.
జై గణేష్ మూవీలో జంటగా గ్యారేజ్, భాగమతి ఫేమ్ ఉన్ని ముకుందన్ ప్రధాన పాత్ర చేశారు మహిమ నంబియార్ కీలక రోల్ చేయడం జరిగింది. రంజిత్ శంకర్ దర్శకత్వం వహించారు. ఈ చిత్రం ఓటీటీ విడుదల కోసం ఆడియన్స్ ఎదురుచూస్తున్నారు. అమెజాన్ ప్రైమ్ లో అందుబాటులోకి రానుంది. ఇంకెందుకు ఆలస్యం జై గణేష్ ని అమెజాన్ ప్రైమ్ లో చూసి ఎంజాయ్ చేయండి.