Mahesh Babu On Jawan: షారుక్ ఖాన్ లేటెస్ట్ మూవీ జవాన్. మరికొద్ది గంటల్లో థియేటర్స్ లో దిగనుంది. ఈ చిత్ర ఓపెనింగ్స్ భారీగా ఉండనున్నాయి. అడ్వాన్స్ బుకింగ్స్ ఓ రేంజ్ లో జరుగుతున్నాయి. పఠాన్ సక్సెస్ నేపథ్యంలో షారుక్ ఖాన్ జవాన్ పై అంచనాలు ఏర్పడ్డాయి. అందులోనూ ట్రైలర్ విపరీతంగా ఆకట్టుకుంది. జవాన్ తో మరో బ్లాక్ బస్టర్ ఖాయం అన్నమాట వినిపిస్తోంది. తెలుగు రాష్ట్రాల్లో సైతం అంచనాలకు మించిన రెస్పాన్స్ దక్కించుకుంటుంది.
వరుస విజయాలతో ఊపుమీదున్న దర్శకుడు అట్లీ సక్సెస్ ట్రాక్ కొనసాగిస్తాడనిపిస్తుది. కాగా జైలర్ మూవీపై మహేష్ బాబు ఆసక్తికర కామెంట్స్ చేశారు. ఆయన టీమ్ కి బెస్ట్ విషెస్ తెలియజేశారు. ఇది జవాన్ టైం. షారుక్ పవర్ పూర్తి స్థాయిలో సిల్వర్ స్క్రీన్ పై చూడబోతున్నాం. అన్ని ఏరియాల్లో బ్లాక్ బస్టర్ సక్సెస్ కావాలని జవాన్ యూనిట్ కి శుభాకాంక్షలు తెలియజేస్తున్నాను. కుటుంబ సమేతంగా చిత్రం చూడబోతున్నాను… అని ట్వీట్ చేశారు.
తెలుగు రాష్ట్రాల్లో మహేష్ జవాన్ ని ప్రమోట్ చేసినట్లు అయ్యింది. మహేష్ బాబు ట్వీట్ పై షారుక్ ఫ్యాన్స్ హర్షం వ్యక్తం చేస్తున్నారు. మహేష్ బాబు సోషల్ మీడియాలో చాలా యాక్టివ్. సమకాలీన సినిమాలపై తన అభిప్రాయం తెలియజేస్తారు. జవాన్ మూవీపై మహేష్ ట్వీట్ చేస్తారని అసలు ఊహించలేదు. ప్రస్తుతం ఆయన గుంటూరు కారం షూటింగ్ లో బిజీగా ఉన్నారు. రామ్ లక్ష్మణ్ సారథ్యంలో ఓ భారీ యాక్షన్ ఎపిసోడ్ చిత్రీకరించారని సమాచారం. హైదరాబాద్ లోనే గుంటూరు కారం షూటింగ్ జరుగుతుంది.
ఇక జవాన్ విషయానికి వస్తే… షారుక్ ఖాన్ కి జంటగా నయనతార నటిస్తుంది. ప్రియమణి కీలక రోల్ చేశారు. సెప్టెంబర్ 7న వరల్డ్ వైడ్ పలు భాషల్లో విడుదల కానుంది. అట్లీ జవాన్ మూవీతో బాలీవుడ్ లో అడుగుపెట్టారు. ఆయన గత చిత్రం బిగిల్ సైతం మంచి విజయం సాధించింది. జవాన్ విజయం సాధిస్తే అట్లీ రేంజ్ ఇండియా వైడ్ వ్యాపిస్తుంది.
It's time for #Jawan!!! The frenzy and power of @iamsrk are on full display!! 💥 Wishing the team an all-time blockbuster success across all markets! So looking forward to watching it with the entire family!!#Nayanthara @VijaySethuOffl @Atlee_dir @anirudhofficial…
— Mahesh Babu (@urstrulyMahesh) September 6, 2023
