Chiranjeevi Kokapet Lands
Chiranjeevi Kokapet Lands: రెండు మూడు రోజుల నుంచి తెలుగు రాష్ట్రాల్లో ఎక్కడ చూసిన కోకాపేట భూములు వేలంపాట గురించే మాట్లాడుకుంటున్నారు. ఒక్కో ఎకరం దాదాపు 100 కోట్లకు అమ్ముడు పోవడం విశేషం. తెలంగాణ ప్రభుత్వం కూడా ఈ స్థాయిలో ఊహించలేదు. ఒక్కో ఎకరం 35 కోట్లు ధరతో వేలంపాట నిర్వహిస్తే ఊహించని రేంజ్ లో ధర పెరిగింది. హ్యాపీ రైట్స్ నియోపోలిస్, రాజ్‌పుష్ప ప్రాపర్టీస్ 3.6 ఎకరాలను రూ.362 కోట్లకు కొనుగోలు చేశాయి.
అయితే ఈ పక్రియ లో చిరంజీవి కి ఎలాంటి ప్రమేయం ఏమి లేదు. కానీ ఈ సమయంలో చిరంజీవి కి దాదాపు 2000 కోట్ల దాకా ఆస్తులు పెరిగినట్లు తెలుస్తుంది. ఇప్పుడు ఇదే టాలీవుడ్ లో హాట్ టాపిక్ అవుతుంది. రీసెంట్ గా రామ్ చరణ్ కి ఉపాసన కు 11 ఏళ్ల తర్వాత అమ్మాయి జన్మించింది. ఆమెకు క్లీంకార అనే నామకరణం చేశారు. మనవరాలు రాకతో తమ ఇంటికి మహాలక్ష్మి వచ్చిందని అప్పట్లో చిరంజీవి సంతోషం వ్యక్తం చేశారు.
ఇప్పుడు అవే మాటలు నిజమయ్యాయి. చిరంజీవి కి దాదాపు కోకాపేట లో దాదాపు 20 ఎకరాలు ఉన్నట్లు తెలుస్తుంది. ఆచార్య సినిమాకు సంబంధించిన సెట్స్ కూడా అక్కడే వేసి షాట్ చేశారు. ఈ ప్లేస్ లోనే మెగా స్టూడియో కట్టాలనే ఆలోచనలో కూడా ఉన్నట్లు సమాచారం. ఇప్పుడు ఈ భూముల విలువ దాదాపు 2000 కోట్ల కు చేరినట్లు తెలుస్తుంది. ఎప్పుడో దశాబ్దం క్రితం అతి తక్కువ ధరకే ఆ భూములను చిరంజీవి కొన్నట్లు తెలుస్తుంది. ఇప్పుడు అవి వేల కోట్లకు పెరగడం చూస్తుంటే చిరంజీవి ముందుచూపు కు ఒక ఉదాహరణ.
కోకాపేట లోనే పాన్ వరల్డ్ స్టార్ ప్రభాస్ కి కూడా దాదాపు 5 ఎకరాల స్థలం ఉన్నట్లు తెలుస్తుంది. ఇందులో భారీ స్థాయిలో ఇంటి నిర్మాణం చేయాలనీ ప్రభాస్ ఆలోచనలో ఉన్నట్లు అప్పట్లో వార్తలు వచ్చాయి. దాదాపు 200 కోట్ల ఖర్చుతో ఆ ఇంటిని నిర్మించటానికి సిద్దమై అందుకు తగ్గ పనులు కూడా ఒక ఇంటర్నేషనల్ సంస్థ కు అప్పగించినట్లు తెలుస్తుంది. ఈ విధంగా చూస్తే ప్రభాస్ కు కూడా కోకాపేట లో వందల కోట్లు విలువ చేసే ఆస్తులు ఉన్నాయి.
ఇక మెగాస్టార్ చిరంజీవి నటించిన భోళా శంకర్ సినిమా విడుదలకు సిద్ధం ఉంది. మెహర్ రమేష్ దర్శకత్వం వహించిన ఈ సినిమా పై చిరు అభిమానుల్లో మంచి అంచనాలే ఉన్నాయి.. చిరంజీవి మరోవైపు కల్యాణ్‌ కృష్ణ దర్శకత్వంలో ఓ సినిమాకు కూడా గ్రీన్ సిగ్నల్‌ ఇచ్చాడని తెలిసిందే. గోల్డ్‌ బాక్స్ ఎంటర్‌టైన్‌మెంట్స్ బ్యానర్‌పై సుస్మిత కొణిదెల ఈ చిత్రాన్ని నిర్మించనుండగా.. దీనికి సంబంధించిన పూర్తి వివరాల పై క్లారిటీ రావాల్సి ఉంది.
