Jagapathi Babu: ప్రస్తుతం జగపతి బాబు పేరు ఇండస్ట్రీ లో ఏ రేంజ్ లో వినిపిస్తుందో మన కళ్లారా చూస్తున్నాం. ఎందుకంటే ఆయన కీలక పాత్ర పోషించిన ‘పెద్ది’ చిత్రం ప్రపంచవ్యాప్తంగా విడుదలై భారీ బ్లాక్ బస్టర్ గా నిల్చింది. అంతే కాకుండా నటన పరంగా రామ్ చరణ్ తర్వాత, ఆ స్థాయి రెస్పాన్స్ జగపతి బాబు కే వచ్చింది. హీరో క్యారెక్టర్స్ నుండి విలన్ మరియు క్యారెక్టర్ రోల్స్ కి షిఫ్ట్ అయిన జగపతి బాబు కి , పాన్ ఇండియా లెవెల్ లో టాప్ డైరెక్టర్స్, స్టార్ హీరోలతో కలిసి నటించే అవకాశం దక్కింది. పాజిటివ్ , నెగెటివ్ క్యారెక్టర్స్ తో ఆయన అద్భుతమైన పేరు ప్రఖ్యాతలు సంపాదించుకున్నాడు. క్యారెక్టర్ ఆర్టిస్టుగా సెకండ్ ఇన్నింగ్స్ లో జగపతి బాబు ఒక విధంగా సెన్సేషన్ క్రియేట్ చేశాడు అనే చెప్పొచ్చు.
అయితే ఈమధ్య కాలం లో జగపతి బాబు జోరు కాస్త తగ్గింది. ముఖ్యంగా టాలీవుడ్ లో గత రెండు సంవత్సరాలుగా జగపతి బాబు స్థాయి కి తగ్గ పాత్రలు దక్కలేదు అనడంలో ఎలాంటి సందేహం లేదు. అలాంటి సమయం లో ఆయనకు ‘పెద్ది’ చిత్రం ద్వారా దొరికిన ఈ అప్పలసూరి క్యారెక్టర్ , మంచి బ్రేక్ ఇచ్చింది అనే చెప్పాలి. లెజెండ్ చిత్రం తో నెగెటివ్ రోల్ ద్వారా ఆయన ఎలాంటి ప్రభావం చూపించాడా , ‘పెద్ది’ చిత్రం లో పాజిటివ్ క్యారెక్టర్ ద్వారా ఆయన అలాంటి ప్రభావమే చూపించాడు అనడంలో ఎలాంటి సందేహం లేదు. అయితే రీసెంట్ గా జగపతి బాబు ఇచ్చిన ఒక ఇంటర్వ్యూ లో , సోషల్ మీడియా లో జరిగే ఫేక్ వార్తల ప్రచారాల పై , ఫేక్ థంబ్ నెయిల్స్ పై ఆసక్తికరమైన వ్యాఖ్యలు చేసాడు. ఆయన మాట్లాడిన ఈ మాటలు ఇప్పుడు సోషల్ మీడియా లో హాట్ టాపిక్ గా మారింది.
ఆయన మాట్లాడుతూ ‘సోషల్ మీడియా ఈమధ్య కాలం లో దారుణంగా తయారైంది , నేను చనిపోయానంటూ కొన్ని వార్తలు కూడా ఈ సోషల్ మీడియా లో ప్రచారమయ్యాయి. నా మృత దేహం పక్కన జూనియర్ ఎన్టీఆర్ తో పాటు ఇతర నటీనటులు కూడా నిల్చొని ఏడుస్తున్నట్టు కొన్ని థంబ్ నెయిల్స్ ఎడిట్ చేశారు. కానీ అలాంటి వాటి గురించి నేను ఎప్పుడూ కూడా పట్టించుకోలేదు , స్పందించాలని అనుకోలేదు, మరణించానని చెప్పినా, నిజాయితితో జీవిస్తున్నాను’ అంటూ జగపతి బాబు తన స్టైల్ లో మాట్లాడిన మాటలు బాగా వైరల్ అయ్యాయి. ఇది ఇలా ఉండగా ‘పెద్ది’ లో జగపతి బాబు సన్నివేశాలకు ప్రేక్షకుల నుండి అద్భుతమైన రెస్పాన్స్ రావడం తో , ఎడిటింగ్ లో తొలగించబడిన జగపతి బాబు , రామ్ చరణ్ మధ్య వచ్చే కొన్ని సన్నివేశాలను ఈ చిత్రం లో జత చేయబోతున్నారు. ఈ వారం నుండే ఈ కొత్త సన్నివేశాలను థియేటర్స్ లో ఆడియన్స్ చూడొచ్చు.
