Bigg Boss 5 Telugu: బిగ్ బాస్ సీజన్ 5 యమ జోరుగా సాగుతోంది. ఆడా – మగా అని తేడా లేకుండా చాలా బాగా ఆడుతూ ప్రేక్షకులను అలరిస్తున్నారు. ఇటు ఆట పరంగా… అటు కంటెంట్ పరంగా బెస్ట్ ఇస్తున్నారు. గడిచిన సీజన్ తో పోలిస్తే ఈ సీజన్లో ఉన్న ప్రతి ఒక్క కంటెస్టెంట్స్ తమ పరిధి దాటి మరి ఆడటానికి ప్రయత్నం చేస్తున్నారు.
నామినేషన్స్ తర్వాత అత్యంత ముఖ్యమైనది కెప్టెన్సీ టాస్క్. ఈ టాస్క్ లో విజేత అయ్యి కెప్టెన్ గా నిలిస్తే ఇమ్మునిటీ లభిస్తుంది. దాని వల్ల తర్వాత వచ్చే వారానికి నామినేట్ అవ్వకుండా ఉండవచ్చు. అందుకే కంటెస్టెంట్స్ ఎవ్వరూ ఈ కెప్టెన్సీ టాస్క్ ని అంత తేలికగా తీసుకోరు. తమ సామర్థ్యానికి మించి మరి ఆడతారు, ఎలాగైనా కెప్టెన్ అవ్వాలి అనుకుంటారు.
ప్రతి వారానికి గానూ బిగ్ బాస్ హౌస్ లో కెప్టెన్సీ పోటీదారుల కోసం ఒక టాస్క్ జరుగుతూ ఉంటుంది. అలా ఐదో వారానికి గాను బిగ్ బాస్ కెప్టెన్సీ కంటెండర్ టాస్క్ కింద ‘రాజ్యానికి ఒక్కడే రాజు’ అనే టాస్క్ ని నిర్వహిస్తాడు బిగ్ బాస్. ఇందులో భాగంగా సన్నీ కి, రవి కి గాను బిగ్ బాస్ చెరొక రాజ్యం ఇచ్చి, యువరాజులుగా పేర్కొంటాడు. మిగిలిన కంటెస్టెంట్లు తమకు నచ్చిన రాజు రాజ్యం లోకి వెళ్లి సపోర్ట్ చెయ్యొచ్చు. ఇది పలు రకాల టాస్క్ లతో సాగుతుంది. వీటిలో ఎక్కువ గెలిచిన యువరాజు రాజుగా నిలుస్తాడు.. ఆ రాజు టీం లోని సభ్యులంతా కెప్టెన్సీ పోటీదారుల కింద వ్యవహరిస్తారు.
తాజా సమాచారం ప్రకారం ఊహించని భారీ ట్విస్ట్ ల మధ్య ఆర్టిస్ట్ ప్రియా ఐదో వారానికి గాను బిగ్ బాస్ ఇంటి కెప్టెన్ అయ్యింది. ఏం భారీ ట్విస్ట్లు ఉండబోతున్నాయి అని తెలుసుకోవాలంటే ఇవాళ జరిగే ఎపిసోడ్ కోసం ఎదురు చూడాల్సిందే.
