Chiranjeevi Bholaa Shankar : అభిమానులకు సర్ ప్రైజ్ ఇచ్చిన చిరంజీవి

Chiranjeevi Bholaa Shankar : మెహర్ రమేష్ దర్శకత్వంలో మెగాస్టార్ చిరంజీవి నటిస్తున్న ‘భోళా శంకర్’ చిత్రం శరవేగంగా షూటింగ్ జరుపుకుంటోంది. ఉగాది శుభ సందర్భంగా మేకర్స్ మెగా అప్‌డేట్‌తో ముందుకు వచ్చారు. ఆగస్ట్ 11న సినిమా విడుదల తేదీని ఖరారు చేశారు.

కీర్తి సురేష్ , తమన్నా భాటియాతో పాటు చిరంజీవి కలిసిన ఒక పోస్టర్ ను మేకర్స్ విడుదల చేశారు. ఈ పోస్టర్ తోనే మూవీ డేట్ ను ప్రకటించారు.

కీర్తి-తమన్నా సోఫాలో కూర్చుని ఉండగా చిరంజీవి వారి వెనుక నిలబడి ఉన్నారు. వీరంతా సంప్రదాయ దుస్తులు ధరించారు.

ఇది పండుగకు సరైన పోస్టర్ గా మెగా ఫ్యాన్స్ అభిప్రాయపడుతున్నారు. మేకర్స్ నిజానికి ఖచ్చితమైన తేదీని ఎంచుకున్నారు. స్వాతంత్య్రం దినోత్సవం సందర్భంగా ఈ సెలవుదినం చిరంజీవికి బోనస్ అవుతుంది.

అనిల్ సుంకర దర్శకత్వంలో ఏకే ఎంటర్‌టైన్‌మెంట్స్ బ్యానర్‌పై రూపొందుతున్న ఈ చిత్రంలో చిరంజీవి సోదరిగా కీర్తి నటిస్తుండగా, తమన్నా కథానాయికగా నటిస్తున్న సంగతి తెలిసిందే.