భారత్ సహాయాన్ని తిరస్కరిస్తున్న డ్రాగన్ దేశం

చైనా నుండి 100 మంది భారతీయులను తిరిగి తీసుకురావడానికి మరియు కరోనావైరస్ వైద్య సామాగ్రిని భారత్ నుండి చైనాకి పంపడానికి ఒక విమానాన్ని ( సి -17 గ్లోబ్‌మాస్టర్ మిలిటరీ ట్రాన్స్‌పోర్ట్) వుహాన్ కి పంపడానికి భారత్ సిద్ధంగా ఉన్నా.. చైనా అందుకు తగిన క్లియరెన్స్ ని ఇవ్వడం లేదు.

ఉపశమన సామాగ్రిని తీసుకువెళ్ళే విమానానికి క్లియరెన్స్ మంజూరు చేయడాన్ని చైనా ఉద్దేశపూర్వకంగా ఆలస్యం చేస్తోంది, ఇది వుహాన్ నుండి మిగిలిన భారతీయ పౌరులను కూడా తిరిగి భారత్ కి తీసుకువస్తుంది. అయితే చైనాకి ఎప్పుడు ఆ ఫ్లైట్ ని పంపాలో స్పష్టమైన వివరణ చైనా నుండి రాకపోవడం గమనార్హం

ఫ్రాన్స్ సహా ఇతర దేశాల నుండి ఉపశమనం మరియు తరలింపు విమానాలు ఉన్నాయి. రిలీఫ్ ఫ్లైట్ కోసం చైనా ప్రభుత్వం క్లియరెన్స్ ఎందుకు ఆలస్యం చేస్తోంది? భారతీయ సహాయంపై వారు ఆసక్తి చూపలేదా? వుహాన్ నుండి మన భారతీయులను తరలించడంలో మరియు వారి కష్టాలకు, మానసిక వేదనకు గురిచేయడంలో వారు రోడ్‌బ్లాక్‌ను ఎందుకు సృష్టిస్తున్నారో? తెలియాల్సి ఉంది.

గతంలో బీజింగ్ ఘోరమైన కరోనావైరస్ వ్యాప్తితో సతమతమవుతున్న సమయంలో, ప్రధాని నరేంద్ర మోడీ చైనా అధ్యక్షుడు జి జిన్‌పింగ్ మరియు చైనా ప్రజలకి సంఘీభావం తెలిపిన తరువాత చైనాకు వైద్య సామాగ్రిని పంపిస్తామని మోడీ తెలిపారు. అందుకు తగినట్లుగానే భారతదేశం సహాయాన్ని అందించడానికి ముందుకు వస్తే చైనా మాత్రం ఆ సహాయాన్ని వ్యతిరేకించే ధోరణని అవలంభిస్తుంది.