Renault June Offers 2026: భారతీయ కార్ల మార్కెట్లో అమ్మకాలను మరింత పెంచుకునే లక్ష్యంతో ప్రముఖ ఫ్రెంచ్ కార్ల కంపెనీ Renault ఈ జూన్ నెలకు ప్రత్యేక ఆఫర్లను ప్రకటించింది. కంపెనీకి చెందిన పాపులర్ మోడళ్లైన Renault Kiger, Renault Triber, Renault Kwid కార్లపై గరిష్టంగా రూ.80,000 వరకు డిస్కౌంట్లు, బెనిఫిట్స్ అందిస్తోంది. ఈ ఆఫర్లలో క్యాష్ డిస్కౌంట్, ఎక్స్ఛేంజ్ బోనస్, స్క్రాపేజ్ బెనిఫిట్స్, లాయల్టీ రివార్డ్స్, కార్పొరేట్ డిస్కౌంట్లు ఉన్నాయి. ఆ ఆఫర్ల వివరాల్లోకి వెళితె..
కైగర్పై అత్యధిక ప్రయోజనాలు
రెనాల్ట్ కైగర్ కొనుగోలు చేసే కస్టమర్లకు ఈ నెలలో అత్యధికంగా రూ.80,000 వరకు ప్రయోజనాలు లభిస్తున్నాయి. ఇందులో రూ.40,000 వరకు క్యాష్ డిస్కౌంట్, రూ.25,000 వరకు ఎక్స్ఛేంజ్ లేదా స్క్రాపేజ్ బెనిఫిట్, రూ.15,000 వరకు లాయల్టీ బోనస్ ఉన్నాయి. కొన్ని రాష్ట్రాల్లో కార్పొరేట్ కస్టమర్లకు అదనపు డిస్కౌంట్లు కూడా వర్తిస్తాయి. అయితే బేస్ వేరియంట్లపై ఈ ప్రయోజనాలు పరిమితంగా ఉండే అవకాశం ఉంది. ఈ కారు ధర ప్రస్తుతం రూ.5.81 లక్షల నుంచి రూ. 10.34 లక్షల వరకు విక్రయిస్తున్నారు.
ట్రైబర్పై రూ.60,000 వరకు ఆఫర్లు
ఏడు సీట్ల సామర్థ్యం కలిగిన ట్రైబర్పై కూడా కంపెనీ ఆకర్షణీయమైన ఆఫర్లను అందిస్తోంది. ఎంపిక చేసిన వేరియంట్లపై గరిష్టంగా రూ.60,000 వరకు బెనిఫిట్స్ లభిస్తున్నాయి. పాత స్టాక్ వాహనాలపై రూ.35,000 వరకు క్యాష్ డిస్కౌంట్, రూ.25,000 వరకు ఎక్స్ఛేంజ్ బోనస్ అందుబాటులో ఉంది. అదనంగా కార్పొరేట్, లాయల్టీ , రిఫరల్ బెనిఫిట్స్ కూడా పొందవచ్చు.దీనిని రూ.5.81 లక్షల ప్రారంభం నుంచి విక్రయిస్తున్నారు.
క్విడ్ కొనుగోలుదారులకు ప్రత్యేక తగ్గింపులు:
బడ్జెట్ హ్యాచ్బ్యాక్ క్విడ్పై కూడా రెనాల్ట్ మంచి ఆఫర్లను ప్రకటించింది. ఈ కారుపై గరిష్టంగా రూ.55,000 వరకు ప్రయోజనాలు లభిస్తున్నాయి. ఇందులో రూ.20,000 వరకు క్యాష్ డిస్కౌంట్, రూ.25,000 వరకు ఎక్స్ఛేంజ్ లేదా స్క్రాపేజ్ బెనిఫిట్, రూ.10,000 వరకు కార్పొరేట్ డిస్కౌంట్ ఉన్నాయి. గ్రామీణ ప్రాంతాల కస్టమర్లకు అదనపు ప్రయోజనాలు కూడా లభించే అవకాశం ఉంది.ఈ కారు ధర ప్రస్తుతం రూ. 4.30 లక్షల నుంచి రూ. 5.88 లక్షల వరకు విక్రయిస్తున్నారు.
స్క్రాపేజ్, లాయల్టీ బోనస్లతో మరింత లాభం:
ఇప్పటికే రెనాల్ట్ వాహనం కలిగి ఉన్న కస్టమర్లు లాయల్టీ బోనస్ పొందవచ్చు. అలాగే పాత వాహనాన్ని స్క్రాప్ చేసి కొత్త కారు కొనుగోలు చేసే వారికి ప్రత్యేక స్క్రాపేజ్ బెనిఫిట్స్ అందిస్తున్నట్లు కంపెనీ వెల్లడించింది. కొన్నివేరియంట్లపై 0 శాతం వడ్డీ ఫైనాన్స్ స్కీమ్ కూడా అందుబాటులో ఉంది.
ఈ ప్రత్యేక ఆఫర్లు జూన్ నెల మధ్య వరకు లేదా జూన్ 30 వరకు డీలర్షిప్ ఆధారంగా అందుబాటులో ఉండొచ్చని సమాచారం. అయితే నగరం, డీలర్ స్టాక్, వేరియంట్ను బట్టి డిస్కౌంట్ మొత్తాలు మారే అవకాశం ఉంది. కాబట్టి కారు కొనుగోలు చేయాలనుకునేవారు సమీప రెనాల్ట్ షోరూమ్ను సంప్రదించి పూర్తి వివరాలు తెలుసుకోవడం మంచిది.
