BSNL new offer: ప్రభుత్వ రంగ టెలికం సంస్థ BSNL వినియోగదారులను ఆకర్షించేందుకు మరో సరికొత్త ఆఫర్ను ప్రకటించింది. Freedom Offer పేరుతో తీసుకొచ్చిన ఈ ప్లాన్లో కేవలం రూ.51కే కొత్త మొబైల్ కనెక్షన్తో పాటు ఫ్రీ సిమ్ను అందిస్తోంది. తక్కువ ధరలోనే ఎక్కువ ప్రయోజనాలు ఇవ్వడం ఈ ఆఫర్ ప్రత్యేకతగా నిలుస్తోంది. ఈ ఆఫర్ గురించి పూర్తి వివరాల్లోకి వెళితే..
ఈ ప్లాన్లో వినియోగదారులకు 28 రోజుల వ్యాలిడిటీ లభిస్తుంది. ప్రతి రోజు 2GB హైస్పీడ్ డేటా ఇస్తారు. రోజుకు 100 SMSలు పంపించుకోవచ్చు. అన్ని నెట్వర్క్లకు అన్లిమిటెడ్ వాయిస్ కాలింగ్ సౌకర్యం అందుబాటులో ఉంటుందని BSNL వెల్లడించింది. ప్రస్తుతం ఇతర టెలికం సంస్థల రీచార్జ్ ధరలు పెరుగుతున్న సమయంలో ఈ ప్లాన్ సామాన్యులకు ఉపశమనం కలిగించే అవకాశముంది.
కొత్త కనెక్షన్ తీసుకోవాలనుకునే వారు దేశవ్యాప్తంగా ఉన్న BSNL కస్టమర్ సర్వీస్ సెంటర్లు లేదా అధికారిక రిటైల్ స్టోర్లలో ఈ ఆఫర్ను పొందవచ్చు. ముఖ్యంగా కొత్త వినియోగదారులను ఆకర్షించడం, అలాగే ఇతర నెట్వర్క్ల నుంచి BSNL వైపు మార్చే ప్రయత్నంలో భాగంగానే ఈ ప్లాన్ను తీసుకొచ్చినట్లు తెలుస్తోంది.
అయితే ఈ ఆఫర్ పరిమిత కాలానికి మాత్రమే అందుబాటులో ఉంటుంది. జూన్ 30 వరకు మాత్రమే ఈ ప్రత్యేక అవకాశం ఉంటుందని BSNL స్పష్టం చేసింది. తక్కువ ఖర్చుతో డేటా, కాలింగ్ సౌకర్యాలు కోరుకునే వినియోగదారులకు ఇది మంచి ఆప్షన్గా మారే అవకాశముందని టెక్ వర్గాలు అభిప్రాయపడుతున్నాయి.