Pushpa Team In Russia: అల్లు అర్జున్ కెరీర్ లో పుష్ప ఎప్పటికీ స్పెషల్ ఫిల్మ్ గా నిలిచిపోతుంది. ఆయనకు పాన్ ఇండియా ఇమేజ్ తెచ్చిపెట్టిన చిత్రం అది. హిందీలో పుష్ప సక్సెస్ అవుతుందని మేకర్స్ కి కూడా నమ్మకం లేదు. పెద్దగా ప్రమోషన్స్ కూడా నిర్వహించలేదు. ఏదో మొక్కుబడిగా ప్రెస్ మీట్ పెట్టినట్లున్నారు. దీంతో పుష్ప హిందీ వెర్షన్ ఫస్ట్ డే కేవలం రూ. 3 కోట్ల నెట్ వసూళ్లు అందుకుంది. ఫస్ట్ డే రెస్పాన్స్ చూసి డిజాస్టర్ ఖాయమనుకున్నారు. అయితే పుష్ప మ్యాజిక్ చేసింది. కేవలం మౌత్ టాక్ తో లాంగ్ రన్ నడిచింది. రోజురోజుకు ఆదరణ పెంచుకుంటూ వంద కోట్ల ఫిగర్ దాటేసింది.
Pushpa Team In Russia
బాలీవుడ్ వర్గాలను పుష్ప సక్సెస్ విస్మయానికి గురి చేసింది. వరల్డ్ వైడ్ రూ. 360 కోట్ల వరకు పుష్ప కలెక్షన్స్ రాబట్టింది. కలెక్షన్స్ అటుంచితే పుష్ప మూవీలో అల్లు అర్జున్ మేనరిజం, డైలాగ్స్ ఇండియా వైడ్ వైరల్ అయ్యాయి. క్రికెట్ స్టార్స్ సైతం పుష్పరాజ్ మేనరిజం అనుకరించడం హాట్ టాపిక్ అయ్యింది. ఇండియన్ బాక్సాఫీస్ షేక్ చేసిన నేపథ్యంలో గ్లోబల్ బాక్సాఫీస్ వద్ద సత్తా చాటాలని మేకర్స్ ప్లాన్ చేస్తున్నారు. రష్యాలో పుష్ప చిత్రాన్ని గ్రాండ్ గా విడుదల చేస్తున్నారు.
డిసెంబర్ 8న రష్యన్ భాషలో పుష్ప విడుదల అవుతుంది. ట్రైలర్ కూడా విడుదల చేశారు. రష్యన్ లాంగ్వేజ్ లో పుష్ప ట్రైలర్ సరికొత్తగా ఉంది. కాగా రష్యన్ దేశంలో ప్రమోషన్స్ నిర్వహించేందుకు టీం అక్కడకు వెళ్లారు. దర్శకుడు సుకుమార్, అల్లు అర్జున్ ప్రమోషన్స్ లో పాల్గొననున్నారు. డిసెంబర్ 1న మాస్కో, డిసెంబర్ 3న సెయింట్ పీటర్బర్గ్ నగరాల్లో స్పెషల్ ప్రీమియర్స్ ప్రదర్శించనున్నారు. ఈ ప్రీమియర్స్ కి హాలీవుడ్ ప్రముఖులు హాజరయ్యే అవకాశం కలదు. లోకల్ మీడియాతో అల్లు అర్జున్, సుకుమార్ ముచ్చటించనున్నారు.
Pushpa Team In Russia
ఈ క్రమంలో పుష్ప రష్యా దేశంలో ఎలాంటి ఆదరణ దక్కించుకుంటుందనే ఆసక్తి నెలకొంది. మరోవైపు పుష్ప పార్ట్ 2 రెగ్యులర్ షూట్ త్వరలో ప్రారంభం కానుంది. దీనికి సంబంధించిన ప్రీ ప్రొడక్షన్ వర్క్ పూర్తి అయ్యింది. పార్ట్ 1 సక్సెస్ నేపథ్యంలో బడ్జెట్ రెండింతలు చేశారు. పుష్ప 2 దాదాపు రూ. 300 కోట్లతో నిర్మించనున్నారు. మైత్రి మూవీ మేకర్స్ నిర్మిస్తుండగా… రష్మిక మందాన హీరోయిన్. దేవిశ్రీ సంగీతం అందిస్తున్నారు. పుష్ప 2 థియేటర్స్ లో రావడానికి ఏడాదికి పైనే సమయం పట్టేలా ఉంది.
Team #PushpaTheRise Landed in Russia 💥💥
Meet the team at the Russian language Special premieres on Dec 1st at Moscow & Dec 3rd at St. Petersburg 💥💥#PushpaInRussia from Dec 8th 🔥
Icon Star @alluarjun @iamRashmika @aryasukku @ThisIsDSP @MythriOfficial @4SeasonsCreati1 pic.twitter.com/Mt6xucws4h
— Pushpa (@PushpaMovie) November 30, 2022