Maa Inti Bangaram Advance Bookings: సమంత ని ట్రేడ్ విశ్లేషకులంతా ఓవర్సీస్ క్వీన్ అని మొదటి నుండి అంటూ ఉంటారు. ఎందుకంటే ఆమె హీరోయిన్ గా నటించిన ప్రతీ సినిమా దాదాపుగా ఓవర్సీస్ లో ఆల్ టైం రికార్డ్స్ నెలకొల్పాయి. అలా అక్కడి ఆడియన్స్ లో తనకంటూ ఒక ప్రత్యేకమైన బ్రాండ్ ఇమేజ్ ని ఏర్పాటు చేసుకుంది. లేడీ ఓరియెంటెడ్ సినిమాలు చేసింది చాలా తక్కువే, అయినప్పటికీ కూడా ఆమె లేడీ ఓరియెంటెడ్ సినిమా చేసినప్పుడల్లా ఓవర్సీస్ ఆడియన్స్ మినిమం గ్యారంటీ ఓపెనింగ్ ఇస్తున్నారు. సమంత రేంజ్ ఏంటో చెప్పడానికి ఒక చిన్న ఉదాహరణ. ముక్కు మొహం తెలియని ఆర్టిస్టులను పెట్టి , ఆమె ‘శుభం’ అనే చిత్రం చేసింది. ఇలాంటి సినిమాలకు కనీస స్థాయి వసూళ్లు రావడం కూడా కష్టం, అలాంటిది సమంత బ్రాండ్ ఇమేజ్ మీద ఈ చిత్రం ఓవర్సీస్ లో బ్రేక్ ఈవెన్ అయ్యి , భారీ లాభాలను కూడా సొంతం చేసుకుంది.
ఇప్పుడు లేటెస్ట్ గా ఆమె ‘మా ఇంటి బంగారం’ అనే చిత్రం చేసింది. లేడీ ఓరియెంటెడ్ చిత్రం గా తెరకెక్కిన ఈ సినిమాకి సంబంధించిన ఓవర్సీస్ ప్రీమియర్ షోస్ కాసేపట్లోనే మొదలు కాబోతున్నాయి. అక్కడి ట్రేడ్ విశ్లేషకులు అందిస్తున్న సమాచారం ప్రకారం చూస్తే , ఈ చిత్రానికి కేవలం ప్రీమియర్ షోస్ అడ్వాన్స్ బుకింగ్స్ ద్వారా 3 లక్షల డాలర్ల గ్రాస్ వసూళ్లు వచ్చాయట. ఇది పవన్ కళ్యాణ్ ‘ఉస్తాద్ భగత్ సింగ్’ నార్త్ అమెరికా ప్రీమియర్ షోస్ అడ్వాన్స్ బుకింగ్స్ గ్రాస్ కంటే ఎక్కువ. పవన్ కళ్యాణ్ కి అత్యంత అవమానకరమైన ప్రీమియర్ గ్రాస్ ఇది. దాన్ని సమంత అవలీలగా లేపేసిందంటే ఆమె బ్రాండ్ ఇమేజ్ ఎలాంటిదో అర్థం చేసుకోవచ్చు. ఇకపోతే ఈ చిత్రానికి సంబంధించిన ఇండియా వైడ్ అడ్వాన్స్ బుకింగ్స్ కూడా చాలా డీసెంట్ గా ఉన్నాయి.
బుక్ మై షో యాప్ లో ఈ చిత్రానికి గంటకు 2 వేలకు పైగా టిక్కెట్స్ అమ్ముడుపోతున్నాయి. ఇది చాలా డీసెంట్ అనే చెప్పాలి. ప్రస్తుతం ఉన్నటువంటి అడ్వాన్స్ బుకింగ్స్ ట్రెండ్ చూస్తుంటే , ఈ చిత్రానికి వరల్డ్ వైడ్ గా 10 కోట్ల రూపాయిల గ్రాస్ వసూళ్లు వచ్చే అవకాశం ఉందని అంటున్నారు ట్రేడ్ విశ్లేషకులు. పాజిటివ్ టాక్ వస్తే , ఫుల్ రన్ లో 50 కోట్ల రూపాయలకు పైగా గ్రాస్ వసూళ్లను ఈ చిత్రం రాబట్టొచ్చు. ఈ చిత్రానికి నందిని రెడ్డి దర్శకత్వం వహించగా, సమంత నిర్మాతగా వ్యవహరించింది. ఇప్పటి వరకు ఈ చిత్రం నుండి విడుదలైన ప్రతీ ప్రమోషనల్ కంటెంట్ చాలా ప్రామిసింగ్ గా అనిపిస్తోంది. మరోపక్క సమంత కూడా నాన్ స్టాప్ గా ప్రమోషనల్ ఈవెంట్స్ లో పాల్గొంటూ ఫుల్ బిజీ గా గడిపింది. చూడాలి మరి ఈ సినిమా బాక్స్ ఆఫీస్ వద్ద ఏ మేరకు అలరిస్తుంది అనేది.
