బాలీవుడ్ హిట్ మూవీ రీమేక్ కు చైతు గ్రీన్ సిగ్నల్

మజిలీ సినిమాతో మంచి హిట్ కొట్టిన నాగచైతన్య ఇప్పుడు ప్రస్తుతం ‘వెంకీమామ’ షూటింగులో బిజీగా వున్నాడు. ఇక ఈ సినిమా సెట్స్ పై ఉండగానే శేఖర్ కమ్ములతో మరో సినిమా చేస్తున్నాడు. దీని షూటింగ్ హైద్రాబాద్ లో నిన్ననే ప్రారంభించింది. ఇక ఈ సినిమా తరువాత ఆయన అజయ్ భూపతి దర్శకత్వంలో ఒక సినిమా చేయనున్నట్టుగా ఇప్పటికే వార్తలు వచ్చాయి.

ఇదిలా ఉండగా తాజాగా ఇప్పుడు మరో వార్త వినిపిస్తుంది. గత ఏడాది అక్టోబర్లో వచ్చిన ‘బదాయి హో’ సినిమా సూపర్ హిట్ అయిన సంగతి తెలిసిందే. ఈ రీమేక్ లో చేయడానికి చైతూ గ్రీన్ సిగ్నల్ ఇచ్చేశాడట. ఈ సినిమా తెలుగు రీమేక్ హక్కులను దిల్ రాజు సొంతం చేసుకున్నారు. బోనీకపూర్ తో కలిసి ఆయన ఈ రీమేక్ ను నిర్మించనున్నాడని అంటున్నారు. త్వరలోనే మిగతా వివరాలు తెలియనున్నాయి. మరి దీనిపై క్లారిటీ రావాలంటే మాత్రం కొద్ది రోజులు వెయిట్ చేయాల్సిందే.

 
 

0 Comments

Write a comment ...
Post comment
Cancel
    Please submit your comments.